QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda eldi mekenderdi keńjolaqty internetke qoljetimdilikpen qamtamasyz etý máselesi qaraldy.
Bul baǵyttaǵy atqarylyp jatqan jumystar týraly tsifrlyq damý, innovatsiialar jáne aeroǵarysh ónerkásibi ministri A. Jumaǵaliev, «Qazaqtelekom» AQ basqarma tóraǵasy K. Esekeev, «Transtelekom» AQ basqarma tóraǵasy J. Nadyrov, «Kar-Tel» JShS atqarýshy direktory E. Nastradin, sondai-aq Aqmola oblysynyń ákisi E. Marjyqpaev pen Soltústik Qazaqstan oblysynyń ákimi Q. Aqsaqalov baiandady, dep habarlaidy primeminister.kz saity.
Qazaqstanda internetti belsendi paidalanýshylar qatary artyp keledi. Sondyqtan «Tsifrlyq Qazaqstan» memlekettik baǵdarlamasyn iske asyrý aiasynda jelini paidalanýshylardyń úlesi 88%-ǵa deiin, al tsifrlyq saýattylyq deńgeii 83%-ǵa jetedi. Bul mindetterdi osy jyldyń sońyna deiin júzege asyrý 5163 aýyldyq eldi mekendi keńjolaqty internetpen qamtamasyz etýge múmkindik beredi. Nátijesinde aýyldarda 7,6 mln astam adam onlain bilim alýǵa, telemeditsinaǵa, memlekettik qyzmetterge, elektrondyq saýdaǵa qol jetkizedi.
«Tótenshe jaǵdai kezinde internetpen turaqty túrde qamtamasyz etý máselesi Memleket basshysynyń erekshe baqylaýynda. Qazirgi jaǵdaida internet halyqtyń negizgi bailanys arnasyna ainaldy, ol sondai-aq elektrondyq saýda, onlain-oqý, elektrondyq memlekettik qyzmetter, densaýlyq saqtaý júiesi, qarjy jáne ekonomikanyń basqa da salalarynda mańyzdy qural bolyp otyr», - dedi A. Mamin.
Úkimet basshysy Tsifrlyq damý, innovatsiialar jáne aeroǵarysh ónerkásibi ministrligine bailanys operatorlarymen birlesip josparlanǵan eldi mekenderdi internetpen qamtamasyz etý jobalaryn ýaqtyly iske asyrý boiynsha barlyq qajetti sharalardy qabyldaýdy tapsyrdy.
Ákimdikterge antennalyq - machtalyq qurylystar salýǵa jáne bailanys jelisin tartýǵa jer bólý, elektr energiiasymen qamtamasyz etý máselelerin jedel sheshý tapsyryldy.
