Foto: Pexels.com
Elimizde 2025 jyly 2-6 jas aralyǵyndaǵy balalardy sapaly mektepke deiingi tárbie men oqytýmen qamtý deńgeii 95,9 paiyzǵa jetti. Bul týraly Ortalyq kommýnikatsiialar qyzmetinde ótken brifingte oqý-aǵartý ministrliginiń ókilderi habarlady.
2019 jyldan bastap elimizde mektepke deiingi uiymdar sany 8,6%-ǵa artyp, 10 650-den 12 myńǵa jetti. Bul uiymdarda 1 millionnan astam búldirshin tárbielenýde.
«Memleket basshysynyń tapsyrmasymen óńirlerde balabaqshalardy iske qosý jónindegi 2023-2027 jyldarǵa arnalǵan qadamdyq jospar bekitilgen, onyń aiasynda 2027 jylǵa deiin 300 myń oryn paidalanýǵa berilýi tiis. 2023 jyldan bastap búginge deiin 182 myń jańa oryn ashyldy. Biyl ótken jylmen salystyrǵanda kezektilik jalpy kezektilik 33,3 %-ǵa, 2-6 jas aralyǵynda kezekte turǵan balalar sany eki esege qysqardy», - dedi Oqý-aǵartý birinshi vitse ministri Maira Meldebekova.
Aita ketý kerek, balalar úshin teń bastapqy múmkindikterdi qamtamasyz etý, balabaqshalar sanyn arttyrý maqsatynda mektepke deiingi bilim berý uiymdaryn turaqty memlekettik qoldaý júzege asyrylyp keledi.
Osy maqsatta búgingi tańda barlyq memlekettik bilim berý uiymdary, sondai-aq jekemenshik balabaqshaldardyń 90 paiyzy memlekettik bilim berý tapsyrysymen qamtylǵan.
