فوتو: Pexels.com
ەلٸمٸزدە 2025 جىلى 2-6 جاس ارالىعىنداعى بالالاردى ساپالى مەكتەپكە دەيٸنگٸ تەربيە مەن وقىتۋمەن قامتۋ دەڭگەيٸ 95,9 پايىزعا جەتتٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە وقۋ-اعارتۋ مينيسترلٸگٸنٸڭ ٶكٸلدەرٸ حابارلادى.
2019 جىلدان باستاپ ەلٸمٸزدە مەكتەپكە دەيٸنگٸ ۇيىمدار سانى 8,6%-عا ارتىپ, 10 650-دەن 12 مىڭعا جەتتٸ. بۇل ۇيىمداردا 1 ميلليوننان استام بٷلدٸرشٸن تەربيەلەنۋدە.
«مەملەكەت باسشىسىنىڭ تاپسىرماسىمەن ٶڭٸرلەردە بالاباقشالاردى ٸسكە قوسۋ جٶنٸندەگٸ 2023-2027 جىلدارعا ارنالعان قادامدىق جوسپار بەكٸتٸلگەن, ونىڭ اياسىندا 2027 جىلعا دەيٸن 300 مىڭ ورىن پايدالانۋعا بەرٸلۋٸ تيٸس. 2023 جىلدان باستاپ بٷگٸنگە دەيٸن 182 مىڭ جاڭا ورىن اشىلدى. بيىل ٶتكەن جىلمەن سالىستىرعاندا كەزەكتٸلٸك جالپى كەزەكتٸلٸك 33,3 %-عا, 2-6 جاس ارالىعىندا كەزەكتە تۇرعان بالالار سانى ەكٸ ەسەگە قىسقاردى», - دەدٸ وقۋ-اعارتۋ بٸرٸنشٸ ۆيتسە مينيسترٸ مايرا مەلدەبەكوۆا.
ايتا كەتۋ كەرەك, بالالار ٷشٸن تەڭ باستاپقى مٷمكٸندٸكتەردٸ قامتاماسىز ەتۋ, بالاباقشالار سانىن ارتتىرۋ ماقساتىندا مەكتەپكە دەيٸنگٸ بٸلٸم بەرۋ ۇيىمدارىن تۇراقتى مەملەكەتتٸك قولداۋ جٷزەگە اسىرىلىپ كەلەدٸ.
وسى ماقساتتا بٷگٸنگٸ تاڭدا بارلىق مەملەكەتتٸك بٸلٸم بەرۋ ۇيىمدارى, سونداي-اق جەكەمەنشٸك بالاباقشالداردىڭ 90 پايىزى مەملەكەتتٸك بٸلٸم بەرۋ تاپسىرىسىمەن قامتىلعان.
