Foto: Tengrinews.kz
Qazaqstanda ólim-jitimniń tómendeýi baiqalady, - dep habarlaidy Tengrinews.kz portaly ranking.kz saityna silteme jasap.
Biyl qańtar-qyrkúiek aralyǵynda Qazaqstanda qaitys bolǵandar sany - 101,7 myń adam, bul byltyrǵymen salystyrǵanda 26,1 paiyzǵa artyq. Byltyrǵy osy kezeńde qaitys bolǵandar sany 137 myń adamǵa jetti, bul odan bir jyl burynǵymen salystyrǵanda 10,4 paiyzǵa artyq.
Ólim-jitimniń edáýir kórsetkishi Almaty qalasy (9,3 myń adam), Qaraǵandy (8,8 myń adam) jáne Túrkistan (7,4 myń adam) oblystarynda baiqalǵan. Jańadan qurylǵan Ulytaý oblysynda eń az kórsetkish (1,5 myń adam).
Biyl elimizdiń barlyq óńirinde ólim-jitim kórsetkishiniń aitarlyqtai tómendegeni baiqalady. Qaitys bolǵandar sanynyń tómendeýi Soltústik Qazaqstan oblysynda 18,7 paiyzdan Shyǵys Qazaqstan oblysynda 52,5 paiyzǵa deiin bolǵan.
Qan ainalymy júiesi aýrýlary ólimniń eń kóp taraǵan sebebi – 22,7 myń adam. Odan keiingi orynda isik (10,2 myń ólim), tynys alý organdarynyń aýrýlary (9,8 myń ólim), jazataiym oqiǵalar, ýlaný jáne jaraqattar (8,5 myń ólim), sondai-aq as qorytý júiesiniń aýrýlary (8,1 myń adam qaitys bolǵan) siiaqty sebepter.
