فوتو: Tengrinews.kz
قازاقستاندا ٶلٸم-جٸتٸمنٸڭ تٶمەندەۋٸ بايقالادى, - دەپ حابارلايدى Tengrinews.kz پورتالى ranking.kz سايتىنا سٸلتەمە جاساپ.
بيىل قاڭتار-قىركٷيەك ارالىعىندا قازاقستاندا قايتىس بولعاندار سانى - 101,7 مىڭ ادام, بۇل بىلتىرعىمەن سالىستىرعاندا 26,1 پايىزعا ارتىق. بىلتىرعى وسى كەزەڭدە قايتىس بولعاندار سانى 137 مىڭ ادامعا جەتتٸ, بۇل ودان بٸر جىل بۇرىنعىمەن سالىستىرعاندا 10,4 پايىزعا ارتىق.
ٶلٸم-جٸتٸمنٸڭ ەدەۋٸر كٶرسەتكٸشٸ الماتى قالاسى (9,3 مىڭ ادام), قاراعاندى (8,8 مىڭ ادام) جەنە تٷركٸستان (7,4 مىڭ ادام) وبلىستارىندا بايقالعان. جاڭادان قۇرىلعان ۇلىتاۋ وبلىسىندا ەڭ از كٶرسەتكٸش (1,5 مىڭ ادام).
بيىل ەلٸمٸزدٸڭ بارلىق ٶڭٸرٸندە ٶلٸم-جٸتٸم كٶرسەتكٸشٸنٸڭ ايتارلىقتاي تٶمەندەگەنٸ بايقالادى. قايتىس بولعاندار سانىنىڭ تٶمەندەۋٸ سولتٷستٸك قازاقستان وبلىسىندا 18,7 پايىزدان شىعىس قازاقستان وبلىسىندا 52,5 پايىزعا دەيٸن بولعان.
قان اينالىمى جٷيەسٸ اۋرۋلارى ٶلٸمنٸڭ ەڭ كٶپ تاراعان سەبەبٸ – 22,7 مىڭ ادام. ودان كەيٸنگٸ ورىندا ٸسٸك (10,2 مىڭ ٶلٸم), تىنىس الۋ ورگاندارىنىڭ اۋرۋلارى (9,8 مىڭ ٶلٸم), جازاتايىم وقيعالار, ۋلانۋ جەنە جاراقاتتار (8,5 مىڭ ٶلٸم), سونداي-اق اس قورىتۋ جٷيەسٸنٸڭ اۋرۋلارى (8,1 مىڭ ادام قايتىس بولعان) سيياقتى سەبەپتەر.
