10 maýsym kúni Qazaqstanda 3695 adamnyń analizinen koronavirýs infektsiiasy anyqtaldy. Bul – keiingi kúnderdegi kezekti rekord. Osyǵan deiin bir kúnde munshalyq kóp naýqas tirkelmegen.
Bir Nur-Sultannyń ózinde koronavirýs 914 adamnan anyqtaldy. Bul da – astana úshin buryn-sońdy bolmaǵan kórsetkish. Qala keiingi aida aimaqtar arasynda turaqty túrde kóship bastap keledi. Resmi derek boiynsha 1,2 million turǵyny bar astanada bar-joǵy 171 myń adam koronavirýs vaktsinasyn tolyq alǵan. Budan bólek 111 myń adam ekinshi dozany kútip otyr.
Rekordyn jańartqan taǵy bir aimaq – Atyraý oblysy. Onda 256 adamnyń PTR testi oń shyqqan. Osyǵan deiin oblysta bir kúnde tirkeletin naýqas sany eki júzge jete qoimaǵan.
Osylaisha elde analizinen koronavirýs anyqtalǵandardyń jalpy sany 454 825 adamǵa jetip otyr. Onyń 412 myńy jazylǵan, 4647-si qaitys bolǵan. Buǵan koronavirýs juqtyryp qaitys bolǵan 2367 adamnyń ólimi kirmei qalǵan. Densaýlyq saqtaý ministrliginiń sózinshe, ol adamdarda koronavirýs ólimniń negizgi sebebi bolmaǵan. Biraq DDSU nusqaýlyǵynda oqys jaǵdaidan ózgeniń bárin koronavirýs ólimi statistikasyna qosý qajeti aitylady.
Bul - koronavirýs juqtyrǵany PTR testimen rastalǵan naýqastardyń deregi. Budan bólek úkimet byltyr tamyzdan beri PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin júrgizip keledi. Osy kúnge deiin pnevmoniianyń bul túrimen 57 860 adam tirkelse, onyń 3489-y qaitys bolǵan. Bilik bul derekti koronavirýstyń negizgi statistikasyna qospai otyr.
Qazir Qazaqstan boiynsha 39 619 adam koronavirýstan emdelip jatyr. Onyń 12 myńy statsionarǵa jatqyzylǵan. 102 adam ókpeni jeldetý apparatyna qosylǵan, jaǵdaiy aýyr.
Keiingi aptalarda elde indettiń kúrt kúsh alǵany baiqalady. Bilik organdary muny "delta variantymen" bailanystyrady. Úndistanda anyqtalǵan bul variant Qazaqstanda alǵash ret maýsymnyń sońynda tirkelgen. Jańa varianttyń alǵashqy variantqa qaraǵanda edáýir juqpaly.
Vaktsinalaý naýqanyn 1 aqpanda bastaǵan Qazaqstanda osy kúnge deiin 2,4 million adam ekpeni tolyq alǵan. 190 myń adam ekinshi dozany kútip otyr.
Biraq jergilikti basylymdarda vaktsinalaýdyń jalǵan pasportyn satyp alý oqiǵalary týraly jii aitylady. 8 shilde kúngi baspasóz brifinginde densaýlyq saqtaý ministrligi bul oqiǵa boiynsha bar-joǵy 4 is qozǵalǵanyn aitqan.
