10 ماۋسىم كٷنٸ قازاقستاندا 3695 ادامنىڭ اناليزٸنەن كوروناۆيرۋس ينفەكتسيياسى انىقتالدى. بۇل – كەيٸنگٸ كٷندەردەگٸ كەزەكتٸ رەكورد. وسىعان دەيٸن بٸر كٷندە مۇنشالىق كٶپ ناۋقاس تٸركەلمەگەن.
بٸر نۇر-سۇلتاننىڭ ٶزٸندە كوروناۆيرۋس 914 ادامنان انىقتالدى. بۇل دا – استانا ٷشٸن بۇرىن-سوڭدى بولماعان كٶرسەتكٸش. قالا كەيٸنگٸ ايدا ايماقتار اراسىندا تۇراقتى تٷردە كٶشٸپ باستاپ كەلەدٸ. رەسمي دەرەك بويىنشا 1,2 ميلليون تۇرعىنى بار استانادا بار-جوعى 171 مىڭ ادام كوروناۆيرۋس ۆاكتسيناسىن تولىق العان. بۇدان بٶلەك 111 مىڭ ادام ەكٸنشٸ دوزانى كٷتٸپ وتىر.
رەكوردىن جاڭارتقان تاعى بٸر ايماق – اتىراۋ وبلىسى. وندا 256 ادامنىڭ پتر تەستٸ وڭ شىققان. وسىعان دەيٸن وبلىستا بٸر كٷندە تٸركەلەتٸن ناۋقاس سانى ەكٸ جٷزگە جەتە قويماعان.
وسىلايشا ەلدە اناليزٸنەن كوروناۆيرۋس انىقتالعانداردىڭ جالپى سانى 454 825 ادامعا جەتٸپ وتىر. ونىڭ 412 مىڭى جازىلعان, 4647-سٸ قايتىس بولعان. بۇعان كوروناۆيرۋس جۇقتىرىپ قايتىس بولعان 2367 ادامنىڭ ٶلٸمٸ كٸرمەي قالعان. دەنساۋلىق ساقتاۋ مينيسترلٸگٸنٸڭ سٶزٸنشە, ول ادامداردا كوروناۆيرۋس ٶلٸمنٸڭ نەگٸزگٸ سەبەبٸ بولماعان. بٸراق ددسۇ نۇسقاۋلىعىندا وقىس جاعدايدان ٶزگەنٸڭ بەرٸن كوروناۆيرۋس ٶلٸمٸ ستاتيستيكاسىنا قوسۋ قاجەتٸ ايتىلادى.
بۇل - كوروناۆيرۋس جۇقتىرعانى پتر تەستٸمەن راستالعان ناۋقاستاردىڭ دەرەگٸ. بۇدان بٶلەك ٷكٸمەت بىلتىر تامىزدان بەرٸ پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. وسى كٷنگە دەيٸن پنەۆمونييانىڭ بۇل تٷرٸمەن 57 860 ادام تٸركەلسە, ونىڭ 3489-ى قايتىس بولعان. بيلٸك بۇل دەرەكتٸ كوروناۆيرۋستىڭ نەگٸزگٸ ستاتيستيكاسىنا قوسپاي وتىر.
قازٸر قازاقستان بويىنشا 39 619 ادام كوروناۆيرۋستان ەمدەلٸپ جاتىر. ونىڭ 12 مىڭى ستاتسيونارعا جاتقىزىلعان. 102 ادام ٶكپەنٸ جەلدەتۋ اپپاراتىنا قوسىلعان, جاعدايى اۋىر.
كەيٸنگٸ اپتالاردا ەلدە ٸندەتتٸڭ كٷرت كٷش العانى بايقالادى. بيلٸك ورگاندارى مۇنى "دەلتا ۆاريانتىمەن" بايلانىستىرادى. ٷندٸستاندا انىقتالعان بۇل ۆاريانت قازاقستاندا العاش رەت ماۋسىمنىڭ سوڭىندا تٸركەلگەن. جاڭا ۆاريانتتىڭ العاشقى ۆاريانتقا قاراعاندا ەدەۋٸر جۇقپالى.
ۆاكتسينالاۋ ناۋقانىن 1 اقپاندا باستاعان قازاقستاندا وسى كٷنگە دەيٸن 2,4 ميلليون ادام ەكپەنٸ تولىق العان. 190 مىڭ ادام ەكٸنشٸ دوزانى كٷتٸپ وتىر.
بٸراق جەرگٸلٸكتٸ باسىلىمداردا ۆاكتسينالاۋدىڭ جالعان پاسپورتىن ساتىپ الۋ وقيعالارى تۋرالى جيٸ ايتىلادى. 8 شٸلدە كٷنگٸ باسپاسٶز بريفينگٸندە دەنساۋلىق ساقتاۋ مينيسترلٸگٸ بۇل وقيعا بويىنشا بار-جوعى 4 ٸس قوزعالعانىن ايتقان.
