QR Eńbek jáne halyqty áleýmettik qorǵaý vitse-ministri Nariman Muqyshev jumyspen qamtý salasyndaǵy jańa ózgerister týraly aityp berdi, dep habarlaidy QazAqparat.
Onyń aitýynsha, jumyspen qamtý salasynda enbek.kz elektrondy eńbek birjasy jobasy men elektrondy eńbek sharttaryn esepke alý júiesi júzege asyrylýda.
«Enbek.kz elektrondy eńbek birjasy arqyly eki jylda 1 mln astam adam jumysqa ornalasqan. Portal ashylǵan sátten beri 913 myń jumys izdeýshi men 192 myń jumys berýshi tirkelgen. Dál osy eńbek birjasy ashylǵan soń elimizdegi jumyspen qamtylǵandar sany 17% artty», - dedi vitse-ministr Ortalyq kommýnikatsiialar qyzmetinde ótken brifingte.
Ótken jyly Densaýlyq saqtaý ministrligimen birlesip, «Diplommen aýylǵa» baǵdarlamasy aiasynda meditsinalyq JOO mamandaryna ózderi baratyn eldimekenderdi tańdaý múmkindigi berilgen.
«Buryn eldimekendi tańdaý úshin ákimdikterge júginý qajet edi. Biyl elektrondy eńbek birjasyna memlekettik qyzmettegi bos jumys oryndaryn shyǵarýdy josparlap otyrmyz. Respýblika boiynsha barlyq bos jumys oryndary osy júiege toptastyrylady. Memlekettik qyzmet isteri agenttigimen tiisti jumys júrgizildi», - dedi N. Muqyshev.
Al «Elektrondyq eńbek sharttaryn esepke alýdyń biryńǵai júiesi» arqyly bir ǵana jeke kýálikpen jumysqa ornalasýǵa bolady.
«Buryn jumys berýshiniń talabymen birneshe qujat jinaýǵa týra keletin. Sharttardyń elektrondy túrde saqtalýy jumys berýshilerdiń shartty basyp shyǵarý jáne saqtaý shyǵyndaryn, osy protsesti júrgizý úshin shtatta birneshe adamnyń bolýy siiaqty shyǵyndaryn azaitady», - dedi vitse-ministr.
Atalǵan pilottyq joba 2018 jyly ashyldy jáne bul júiege 26 myń uiym tirkeldi, 1 mln astam eńbek sharttary engizildi.
«Bul jobanyń engizilýi eńbek quqyqtarynyń saqtalýyna, jalǵan qujat jasaý qaýpin azaitýǵa kómektesedi. Biyl Eńbek kodeksine engizilgen túzetýler qabyldanyp, sharttardy osy júiede júrgizý mindetti bolady dep senemiz. Budan basqa, biz qyzmetkerdiń jeke isin avtomattandyrý úshin jumys istep jatyrmyz», - dedi N. Muqyshev.
