Altyn óndiretin kásiporyndar atalǵan shikizatty zańsyz óndirý jáne satý áreketteri úshin jaýapkershilikti kúsheitýdi surap otyr. Sebebi bir ǵana «Qazaqaltyn» taý-ken kombinatyna qarasty shahtalarda ai saiyn júzdegen keli altyn urlanady, dep habarlaidy QazAqparat tilshisi.
«Iá, bizdiń esebimizge sáikes, kombinatqa qarasty ken oryndarda ai saiyn zańsyz jolmen 100 keli altyn urlanady. Sonyń saldarynan kompaniiaǵa biraz shyǵyn kelip otyr. Oǵan qosa, biýdjetke milliondaǵan salyqtar túspei jatady», - dedi «Qazaqaltyn»kompaniiasynyń bas direktory Evgenii Balashov Taý-ken óndirýshi jáne taý-ken metallýrgiia kásiporyndary qaýymdastyǵynyń keńesinde.
Onyń aitýynsha, búginde kompaniiaǵa qarasty nysandardyń territoriiasyna zańsyz kirip, shahtalar men karerlerge túsý oqiǵalary azaiatyn emes. Altyndy óz betimen izdeitinder kenishterdiń oqpandary men oiyqtary arqyly jerdiń astyna túsip, baǵaly shikizatty urlap júr. Olardyń ishinde jergilikti halyqtan bólek ózge oblystardyń azamattary, tipti kórshi elderden keletinder de barshylyq.
«Shahtaǵa zańsyz túsetinder burǵylaý quraldary men jarylǵysh zattardy paidalanyp, jumysshylardyń ómiri men densaýlyǵyna qaýip tóndiredi. Ondai kásip esh tolastaityn emes. Sebebi eldi mekenderde altyn rýdasyn óńdeý men satyp alý oryndary bar. Búginde osy saladaǵy zańnamany jetildirý kerek. Sonda ǵana zańsyz altyn óńdeý kásibine tusaý salýǵa bolady», - deidi «Qazaqaltynnyń» basshysy.
