Energetika birinshi vitse-ministri Mahambet Dosmuhambetov Qazaqstanda ishki naryqty bir ai boiy qamtamasyz ete alatyn janar-jaǵarmai materialdary bar ekenin aitty, - dep habarlaidy "Ult aqparat" Tengrinews.kz agenttigine silteme jasap.
"Óńdelgen munaidyń kólemi 3,9 million tonnaǵa jetti. Bul ótken jylǵy 2017 jyldyń kórsetkishimen salystyrǵanda 9,4 paiyzǵa artyq. Alǵashqy úsh aida úsh munai óńdeitin úsh zaýyttaǵy munai ónimderiniń kólemi 2,8 million tonna boldy. Bul byltyrmen salystyrǵanda 5 paiyzǵa artyq", - dedi Mahambet Dosmuhambetov úkimet otyrysy barysynda.
Onyń aitýynsha, alǵashqy úsh aida elimizdegi munai ónimderi boiynsha jaǵdai turaqty.
Sonymen qatar, energetika birinshi vitse-ministri osy jyldyń alǵashqy úsh aiynda 18 million tonna munai eksporttalǵanyn aitty.
Eske sala keteiik, osyǵan deiin 11 sáýirde energetika ministri Qanat Bozymbaev benzin baǵasy arzandaýy múmkin ekenin aitqan edi.
