ەنەرگەتيكا بٸرٸنشٸ ۆيتسە-مينيسترٸ ماحامبەت دوسمۇحامبەتوۆ قازاقستاندا ٸشكٸ نارىقتى بٸر اي بويى قامتاماسىز ەتە الاتىن جانار-جاعارماي ماتەريالدارى بار ەكەنٸن ايتتى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
"ٶڭدەلگەن مۇنايدىڭ كٶلەمٸ 3,9 ميلليون تونناعا جەتتٸ. بۇل ٶتكەن جىلعى 2017 جىلدىڭ كٶرسەتكٸشٸمەن سالىستىرعاندا 9,4 پايىزعا ارتىق. العاشقى ٷش ايدا ٷش مۇناي ٶڭدەيتٸن ٷش زاۋىتتاعى مۇناي ٶنٸمدەرٸنٸڭ كٶلەمٸ 2,8 ميلليون توننا بولدى. بۇل بىلتىرمەن سالىستىرعاندا 5 پايىزعا ارتىق", - دەدٸ ماحامبەت دوسمۇحامبەتوۆ ٷكٸمەت وتىرىسى بارىسىندا.
ونىڭ ايتۋىنشا, العاشقى ٷش ايدا ەلٸمٸزدەگٸ مۇناي ٶنٸمدەرٸ بويىنشا جاعداي تۇراقتى.
سونىمەن قاتار, ەنەرگەتيكا بٸرٸنشٸ ۆيتسە-مينيسترٸ وسى جىلدىڭ العاشقى ٷش ايىندا 18 ميلليون توننا مۇناي ەكسپورتتالعانىن ايتتى.
ەسكە سالا كەتەيٸك, وسىعان دەيٸن 11 سەۋٸردە ەنەرگەتيكا مينيسترٸ قانات بوزىمباەۆ بەنزين باعاسى ارزانداۋى مٷمكٸن ەكەنٸن ايتقان ەدٸ.
