Densaýlyq saqtaý vitse-ministri Ajar Ǵiniiat koronavirýstyń taralýy jaǵynan Qazaqstan ortasha qaýipti deńgeide turǵanyn málim etti, dep habarlaidy "Ult aqparat".
«27 qarashadaǵy jaǵdai boiynsha respýblikamyz ortasha qaýipti aimaqta tur. Qaýipti bes óńirge qatań shekteý sharalary engizilgen. Olar: ShQO, SQO, Pavlodar, Qostanai jáne Aqmola oblystary. Almaty qalasynda da virýs juqtyrǵandar ósýde. Qalǵan óńirler jasyl aimaqta bolǵanymen, koronavirýs aýrýlary ol aimaqtarda da tirkelýde. Respýblikada qazanmen salystyrǵanda qarashada KVI-ge shaldyqqandar 3,7 ese ósken. Elimizdegi barlyq jaǵdaidyń 70 paiyzy – qyzyl aimaqta turǵan bes óńirlerine tiesili», - dedi Ajar Ǵiniiat Ortalyq kommýnikatsiialar qyzmetinde ótken baspasóz máslihatynda.
Onyń aitýynsha óńirlerdegi epidemiologiialyq jaǵdaidy eskere otyryp, aimaq ákimderi qoǵamdyq tamaqtaný oryndaryna kelýshilerdiń sanyn shekteý, kásipkerlik jáne ózge de qyzmet nysandarynyń jumys kestesin qysqartýǵa, demalys kúnderi qoǵamdyq kólikterdiń qozǵalysyn toqtatý syndy qatań sharalardy qabyldaǵan.
Al Shyǵys Qazaqstanda qazan aiynyń ortasynan bastap engizilgen shekteý sharalaryna bailanysty qarashanyń ekinshi onkúndiginde syrqattanýshylar sany sál tómendegen.
