Foto: QR OAM
Elimizde 8 myńnan astam oqýshy ornyna arnalǵan 11 jańa mektep paidalanýǵa berildi. Olardyń qurylysyn Bilim berý infraqurylymyn qoldaý qory qarjylandyrdy, dep habarlaidy Ult.kz.
Qor 2023 jyly Memleket basshysynyń tapsyrmasymen qurylyp, sybailas jemqorlardan keri qaitarylǵan qarajat esebinen tolyqtyrylady. Onyń negizgi mindeti – úsh aýysymdy oqytýdy, apatty mektepter men oqýshy oryndarynyń tapshylyǵyn joiý, mektepterdi salý jáne rekonstrýktsiialaý.
Búgingi tańda Qor esebinen 100 myń oryndyq 89 mekteptiń qurylysy qarjylandyryldy. Sońǵy eki jylda 83 myń oqýshyǵa arnalǵan 74 mektep, onyń ishinde 11 bilim berý uiymy jańa oqý jyly qarsańynda ashyldy.
Budan bólek, 1-qyrkúiekke qarai búkil el boiynsha 111 myń oqýshy ornyna arnalǵan 83 jańa mektep ashyldy: 57-si «Keleshek mektepteri» ulttyq jobasy aiasynda, 11-i Bilim berý infraqurylymyn qoldaý qory, 15-i investitsiia tartý esebinen salynǵan mektepter. Jyl sońyna deiin 140 myńǵa jýyq oryndy qamtamasyz etetin taǵy 111 mekteptiń qurylysyn aiaqtaý josparlanýda.
