فوتو: قر وام
ەلٸمٸزدە 8 مىڭنان استام وقۋشى ورنىنا ارنالعان 11 جاڭا مەكتەپ پايدالانۋعا بەرٸلدٸ. ولاردىڭ قۇرىلىسىن بٸلٸم بەرۋ ينفراقۇرىلىمىن قولداۋ قورى قارجىلاندىردى, دەپ حابارلايدى Ult.kz.
قور 2023 جىلى مەملەكەت باسشىسىنىڭ تاپسىرماسىمەن قۇرىلىپ, سىبايلاس جەمقورلاردان كەرٸ قايتارىلعان قاراجات ەسەبٸنەن تولىقتىرىلادى. ونىڭ نەگٸزگٸ مٸندەتٸ – ٷش اۋىسىمدى وقىتۋدى, اپاتتى مەكتەپتەر مەن وقۋشى ورىندارىنىڭ تاپشىلىعىن جويۋ, مەكتەپتەردٸ سالۋ جەنە رەكونسترۋكتسييالاۋ.
بٷگٸنگٸ تاڭدا قور ەسەبٸنەن 100 مىڭ ورىندىق 89 مەكتەپتٸڭ قۇرىلىسى قارجىلاندىرىلدى. سوڭعى ەكٸ جىلدا 83 مىڭ وقۋشىعا ارنالعان 74 مەكتەپ, ونىڭ ٸشٸندە 11 بٸلٸم بەرۋ ۇيىمى جاڭا وقۋ جىلى قارساڭىندا اشىلدى.
بۇدان بٶلەك, 1-قىركٷيەككە قاراي بٷكٸل ەل بويىنشا 111 مىڭ وقۋشى ورنىنا ارنالعان 83 جاڭا مەكتەپ اشىلدى: 57-سٸ «كەلەشەك مەكتەپتەرٸ» ۇلتتىق جوباسى اياسىندا, 11-ٸ بٸلٸم بەرۋ ينفراقۇرىلىمىن قولداۋ قورى, 15-ٸ ينۆەستيتسييا تارتۋ ەسەبٸنەن سالىنعان مەكتەپتەر. جىل سوڭىنا دەيٸن 140 مىڭعا جۋىق ورىندى قامتاماسىز ەتەتٸن تاعى 111 مەكتەپتٸڭ قۇرىلىسىن اياقتاۋ جوسپارلانۋدا.
