2021 jyldyń 1 qańtarynan bastap elimizde óndirilgen benzin men dizel otynyń 10 paiyzy birja arqyly saýdalanatyn bolady. Bul týraly búgin Energetika ministrliginiń alqa otyrysynda vedomstvo basshysy Nurlan Noǵaev aitty, dep habarlaidy "Ult aqparat".
«Naryqtaǵy qarym-qatynastardy, onyń ishinde munai ónimderiniń ashyq saýdada bolýyn qamtamasyz etý baǵytynda munai ónimderin, atap aitqanda, 2020 jyldyń 1 shildesine deiin mazýt pen aviakerosindi birjaǵa shyǵaryp, saýdalaý tásilderin uiymdastyrý jumysy júrgizilip jatyr. Kelesi jyldyń 1 qańtarynda osy ádispen naryqqa shyqqan benzin men dizel otynynyń 10 paiyzy birjada saýdalanady. Biz osylaisha bul ádisti synaqtan ótkizemiz», - dedi ministr.
Eske salsaq, ol 2019 jyly 180 myń tonna benzin eksportqa shyǵarylǵanyn aitty.
«Degenmen shekaralas Resei, Qyrǵyzstan, Ózbekstanǵa kontrabandamen 400 myń tonnaǵa jýyq benzin men basqa da janar-jaǵarmai túrleri shyǵarylǵan», - degen Nurlan Noǵaev buǵan aldaǵy ýaqytta jol bermeý úshin benzindi avtomobilmen el aýmaǵynan shyǵarýǵa tyiym ýaqyty uzartylatyndyǵyn eskertti.
