Biylǵy jyly Qazaqstanda belsendi shaǵyn kompaniialar sany 2 paiyzǵa artty.
Degenmen bul elimizdegi jumys istep turǵan shaǵyn biznestiń jartysy ǵana. Tipti, keibir salalarǵa shaǵyn biznes belsendiligi kúrt qysqarǵany da baiqalady, dep habarlaidy "Ult aqparat" Finprom.kz-ke silteme jasap.
Elimizde tirkelgen shaǵyn kompaniialardyń sany 9 jyl qatarynan artyp kele jatyr. 2020 jyldyń qarashasynda elimizde mundai 452,4 myń kompaniia bolǵan. Bul bir jyl burynǵy kezeńdegi kórsetkishten 3,6 paiyzǵa kóp. Jyl ishinde barlyq tirkelgen zańdy tulǵalardyń sanyndaǵy shaǵyn kompaniialardyń úlesi 98-den 98,1 paiyzǵa ǵana artty. Sonymen qatar bir jyl ishinde tirkelgen jumys istep turǵan shaǵyn kompaniialardyń úlesi 67,4 paiyzdan 69,9 paiyzǵa deiin ulǵaidy. Bul 316,3 myń kásiporyndy quraidy jáne bir jyl burynǵy kórsetkishten 7,6 paiyzǵa kóp.
Buǵan qosa, bir jyl ishinde jumys istep turǵan belsendi shaǵyn kompaniialardyń úlesi 54,4 paiyzdan 51,4 paiyzǵa deiin qysqardy. Degenmen jyl ishinde olardyń sany 1,7 paiyzǵa kóbeiip, 2020 jyldyń qazan aiynyń sońynda 162,4 myń belsendi kásiporyndy qurady.
Belsendi shaǵyn kompaniialardyń tórtten biri Almaty qalasynda tirkelgen. Qalada mundai 4,6 myń kásiporyn bar jáne olardyń sany ótken jylmen salystyrǵanda 7,2 paiyzǵa artyp otyr. Odan keiingi oryndarda Nur-Sultan qalasy (25,4 myń), Qaraǵandy (10 myń) jáne Shyǵys Qazaqstan oblystary (9,7 myń) tur.
Belsendi shaǵyn kompaniialardyń jartysynan kóbi tek 4 salada ǵana jumys isteidi. Eń kóbi kóterme jáne bólshek saýda, sonymen qatar avtomobil men mototsikl jóndeý salalarynda - 39,4 myń kompaniia. Munan keiingi oryndarǵa bilim berý (15,7 myń), qurylys (15,6) kásibi, ǵylym jáne tehnikalyq qyzmet (12,3) salalary ornalasqan.
Jyl ishinde qarjy jáne saqtandyrý qyzmeti salalaryndaǵy belsendi shaǵyn kompaniialardyń sany birden 21,6 paiyzǵa, 3 myńǵa deiin qysqaryp otyr.
