Qazaqstanda «bazalyq mólsherleme» uǵymy zań turǵysynda bekitildi, dep habarlaidy "Ult aqparat".
Ulttyq banktiń málimetinshe, Qazaqstan zańnamasynan «bazalyq mólsherleme» uǵymyna aýystyrylǵan «qaita qarjylandyrýdyń resmi mólsherlemesi» uǵymy alyp tastaldy. Bul normalar 2021 jyldyń 1 qańtarynan bastap kúshine endi.
«Qazaqstan Respýblikasynyń keibir zańnamalyq aktilerine ekonomikalyq ósýdi qalpyna keltirý máseleleri boiynsha ózgerister men tolyqtyrýlar engizý týraly» 2021 jylǵy 2 qańtardaǵy Qazaqstan Respýblikasynyń Zańyna sáikes, «bazalyq mólsherleme» uǵymy zańnamalyq turǵyda bekitildi. Bazalyq mólsherleme aqsha-kredit saiasatynyń negizgi quraly jáne aqsha-kredit saiasatynyń operatsiialary boiynsha syiaqy mólsherlemelerin belgileýge arnalǵan baǵdar», - dep habarlady Ulttyq bankten.
Osyǵan bailanysty 2021 jyldyń 1 qańtarynan bastap salyq salýda jáne kedendik retteýde ósimpul esepteý kezinde, sondai-aq tólemderdi, bóten aqshany zańsyz paidalaný jáne merzimi ótken soma úshin turaqsyzdyq aiybyn, berilgen aqsha somasyn indeksteýdi, keden bajyn tóleý merzimin keiinge qaldyrý nemese bólip tóleý úshin paiyzdardy indeksteýdi keshiktirý kezinde azamattyq-quqyqtyq jáne ákimshilik-quqyqtyq qatynastarda bazalyq mólsherleme qoldanylady.
