Sýret: ashyq derekkóz
Búgin Májilistiń jalpy otyrysynda «Qazaqstan Respýblikasynyń keibir zańnamalyq aktilerine turǵyn úi saiasatyn reformalaý máseleleri boiynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldandy, dep habarlaidy "Ult aqparat".
Ol mynadai ózgeristerdi qamtidy:
Turǵyn úimen qamtamasyz etý ortalyǵy qurylady
- Endi "Otbasy Banki" AQ ulttyq damý institýtyna ainalady. Turǵyn úidi ornalastyrý, esepke alý jáne bólý fýnktsiialary jergilikti atqarýshy organdardan osy institýtqa beriledi.
- Ekinshi oqylymǵa daiyndaý barysynda depýtattar "Otbasy bankiniń" ekinshi deńgeidegi bankter júiesinde jáne depozitterge mindetti kepildik berý júiesinde saqtalýyna baǵyttalǵan túzetýler engizdi. Sondai-aq bank qyzmetin litsenziialaý jalǵasa beredi.
- Endi "Turǵyn úimen qamtamasyz etý ortalyǵy" jańa elektrondy derekter bazasy qurylady, onda baspanaǵa muqtaj jáne "Otbasy bankinde" tirkelgen azamattar týraly málimetter qamtylady.
- Buryn memlekettik turǵyn úi qorynan baspana alyp, ony jekeshelendirip alǵan azamattardy tirkeýden bas tartý normasy engiziledi. Memlekettik baǵdarlamalar boiynsha ipotekalyq nesie alǵandar da tirkelmeitin boldy.
