Qazaqstanda baspana qunynyń tómendeýi baiqalyp otyr. Bul týraly Básekelestikti qorǵaý jáne damytý agenttiginiń tóraǵasy Serik Jumanǵarin málim etti, dep habarlaidy QazAqparat.
«Búgingi tańda bastapqy turǵyn úige baǵalar 3 paiyzdan (biylǵy qańtar) 0,4 paiyzǵa deiin (biylǵy shilde), sondai-aq qaitalama turǵyn úige 5 paiyzdan (qańtar) 1,1 paiyzǵa deiin (shilde) tómendegeni baiqaldy», - dedi S. Jumanǵarin Úkimet otyrysynda.
Onyń aitýynsha, eskertýdi oryndaý aiasynda «RAMS-Qazaqstan» kompaniialar toby baǵalardy Almaty qalasynda birqatar turǵyn úi kesheninen sharshy metr úshin 15%-ǵa nemese 90 myń teńgege deiin, «BAZIS-A» kompaniiasy Almaty qalasynda turǵyn úi keshenderine sharshy metr úshin 20 myń teńgege deiin, «BI Group» Nur-Sultan qalasynyń 51 keshende bastapqy turǵyn úige orta eseppen 8 paiyzǵa, Almaty qalasynda - 11 %-ǵa, Shymkentte. - 3 %-ǵa, Atyraýda - 4 %-ǵa tómendetti.
«Basqa qurylys salýshylar da habarlamalardy oryndap, baǵalardy orta eseppen 15-20%-ǵa tómendetti. Baǵalardyń tómendeý paiyzy orta eseppen 9%-dy, tómendeý serpini – sharshy metrge 10 000-nan 125 000 teńgege deiin», - dedi agenttik basshysy.
