قازاقستاندا باسپانا قۇنىنىڭ تٶمەندەۋٸ بايقالىپ وتىر. بۇل تۋرالى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين مەلٸم ەتتٸ, دەپ حابارلايدى قازاقپارات.
«بٷگٸنگٸ تاڭدا باستاپقى تۇرعىن ٷيگە باعالار 3 پايىزدان (بيىلعى قاڭتار) 0,4 پايىزعا دەيٸن (بيىلعى شٸلدە), سونداي-اق قايتالاما تۇرعىن ٷيگە 5 پايىزدان (قاڭتار) 1,1 پايىزعا دەيٸن (شٸلدە) تٶمەندەگەنٸ بايقالدى», - دەدٸ س. جۇمانعارين ٷكٸمەت وتىرىسىندا.
ونىڭ ايتۋىنشا, ەسكەرتۋدٸ ورىنداۋ اياسىندا «رامس-قازاقستان» كومپانييالار توبى باعالاردى الماتى قالاسىندا بٸرقاتار تۇرعىن ٷي كەشەنٸنەن شارشى مەتر ٷشٸن 15%-عا نەمەسە 90 مىڭ تەڭگەگە دەيٸن, «BAZIS-A» كومپانيياسى الماتى قالاسىندا تۇرعىن ٷي كەشەندەرٸنە شارشى مەتر ٷشٸن 20 مىڭ تەڭگەگە دەيٸن, «BI Group» نۇر-سۇلتان قالاسىنىڭ 51 كەشەندە باستاپقى تۇرعىن ٷيگە ورتا ەسەپپەن 8 پايىزعا, الماتى قالاسىندا - 11 %-عا, شىمكەنتتە. - 3 %-عا, اتىراۋدا - 4 %-عا تٶمەندەتتٸ.
«باسقا قۇرىلىس سالۋشىلار دا حابارلامالاردى ورىنداپ, باعالاردى ورتا ەسەپپەن 15-20%-عا تٶمەندەتتٸ. باعالاردىڭ تٶمەندەۋ پايىزى ورتا ەسەپپەن 9%-دى, تٶمەندەۋ سەرپٸنٸ – شارشى مەترگە 10 000-نان 125 000 تەڭگەگە دەيٸن», - دەدٸ اگەنتتٸك باسشىسى.
