Qazaqstanda barlyq filmdi qazaq tiline aýdarý mindettelýi múmkin - dýbliajdaý nemese kadr syrtyndaǵy aýdarma men sýbtitr qoldaný, - dep habarlaidy kaz.tengrinews.kz tilshisi.
Májilistegi jumys toby "Qazaqstan Respýblikasynyń keibir zańnamalyq aktilerine mádeniet máselesi boiynsha ózgerister men tolyqtyrýlar engizý týraly" Qazaqstan Respýblikasy Zańynyń jobasy qaralyp jatyr.
Salystyrý kestesine sáikes zań jobasyn "Qazaqstan territoriiasyna prokatqa shyǵarý maqsatynda jetkiziletin barlyq filmniń 2017 jyldyń 1 qańtarynan bastap kadr syrtyndaǵy aýdarmasy nemese sýbtitrler túrindegi aýdarmasy bolýy tiis nemese qazaq tiline dýbliajdalýy kerek. Filmderdiń prokatynyń tili "Teleradiotaratylym týraly" zańǵa sáikes anyqtalady" degen tarmaqpen tolyqtyrý usynylady.
Salystyrý kestesinde depýtat Shaimardan Nurymovtyń pikiri keltirilgen.
"Zańnyń bul normasy 2012 jyldan beri bar, biraq jumys istemeidi, sebebi filmdi dýbliajdaý qarajatty qajet etetin qyzmet. Sondyqtan bizdiń naryqta keibir filmder ǵana dýbliajdalady, al kóbisi qazaq tiline aýdarylmaidy. Al bul azamattardyń qazaq tiline qatysty quqyǵyn shekteidi. Kadr syrtyndaǵy aýdarma dýbliajdaýǵa qaraǵanda áldeqaida arzan, bul osy zańnyń normasyn oryndaýǵa múmkindik beredi".
