قازاقستاندا بارلىق فيلمدٸ قازاق تٸلٸنە اۋدارۋ مٸندەتتەلۋٸ مٷمكٸن - دۋبلياجداۋ نەمەسە كادر سىرتىنداعى اۋدارما مەن سۋبتيتر قولدانۋ, - دەپ حابارلايدى kaz.tengrinews.kz تٸلشٸسٸ.
مەجٸلٸستەگٸ جۇمىس توبى "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەسٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" قازاقستان رەسپۋبليكاسى زاڭىنىڭ جوباسى قارالىپ جاتىر.
سالىستىرۋ كەستەسٸنە سەيكەس زاڭ جوباسىن "قازاقستان تەرريتوريياسىنا پروكاتقا شىعارۋ ماقساتىندا جەتكٸزٸلەتٸن بارلىق فيلمنٸڭ 2017 جىلدىڭ 1 قاڭتارىنان باستاپ كادر سىرتىنداعى اۋدارماسى نەمەسە سۋبتيترلەر تٷرٸندەگٸ اۋدارماسى بولۋى تيٸس نەمەسە قازاق تٸلٸنە دۋبلياجدالۋى كەرەك. فيلمدەردٸڭ پروكاتىنىڭ تٸلٸ "تەلەراديوتاراتىلىم تۋرالى" زاڭعا سەيكەس انىقتالادى" دەگەن تارماقپەن تولىقتىرۋ ۇسىنىلادى.
سالىستىرۋ كەستەسٸندە دەپۋتات شايماردان نۇرىموۆتىڭ پٸكٸرٸ كەلتٸرٸلگەن.
"زاڭنىڭ بۇل نورماسى 2012 جىلدان بەرٸ بار, بٸراق جۇمىس ٸستەمەيدٸ, سەبەبٸ فيلمدٸ دۋبلياجداۋ قاراجاتتى قاجەت ەتەتٸن قىزمەت. سوندىقتان بٸزدٸڭ نارىقتا كەيبٸر فيلمدەر عانا دۋبلياجدالادى, ال كٶبٸسٸ قازاق تٸلٸنە اۋدارىلمايدى. ال بۇل ازاماتتاردىڭ قازاق تٸلٸنە قاتىستى قۇقىعىن شەكتەيدٸ. كادر سىرتىنداعى اۋدارما دۋبلياجداۋعا قاراعاندا ەلدەقايدا ارزان, بۇل وسى زاڭنىڭ نورماسىن ورىنداۋعا مٷمكٸندٸك بەرەدٸ".
