Foto: ashyq derekkóz
Qazaqstanda áielder balaǵa tegi retinde ákesin emes, anasyn jazdyrǵysy keletin jaǵdailar jiilep ketti. Iaǵni, baǵanda ákesiniń teginiń ornyna anasynyń tegi kórsetiledi. Mundai jaǵdailar týraly Túrksib aýdandyq azamattyq hal aktilerin tirkeý bóliminiń basshysy Janna Dúisembaeva aitty, - dep habarlaidy Massaget.kz portaly.
Mamannyń aitýynsha, balanyń týýyn memlekettik tirkeý Qazaqstan Respýblikasynyń "Neke (erli-zaiyptylyq) jáne otbasy týraly" kodeksinde jazylǵan.
Aita keteiik, "Neke (erli-zaiyptylyq) jáne otbasy týraly" QR Kodeksiniń 63-babyna sáikes bala esimin, ákesiniń atyn jáne tegin alýǵa quqyly. Osy baptyń 2-tarmaǵyna sáikes "ákesiniń aty ata-analarynyń nemese balanyń basqa da zańdy ókilderiniń tilegi boiynsha onyń ákesi bolyp kórsetilgen adamnyń aty boiynsha beriledi".
"Balaǵa áke atyn berý tártibi bizdiń zańnamaǵa sáikes belgilenedi. Balaǵa ákeniń aty basqa jaǵdaida berilmegen. Dese de, bizdiń zańnamada "ananyń aty" degen uǵym joq. Biz "ákesiniń aty" degen baǵanǵa anasynyń atyn jaza almaimyz. Sonymen qatar, qazir jii ákesiniń aty kórsetilmeidi, alynyp tastap, ákesiniń aty tegi retinde qoldanylady", - dedi Túrksib aýdandyq azamattyq hal aktilerin tirkeý bóliminiń basshysy Janna Dúisembaeva.
Sonymen qatar, mamannyń aitýynsha, qazir balaǵa qos esim berýge tyiym salynbaǵan.
