Balalar men jasóspirimderdi semizdik dertinen qorǵaý maqsatynda qandai jumys júrgizilip jatyr? Depýtattardyń bul saýalyna Úkimet basshysy Asqar Mamin jaýap berdi, dep habarlaidy "Ult aqparat".
«Balalar men jasóspirimderdiń densaýlyǵyn nyǵaitý jolynda ýaqtyly eskertý, kómek kórsetý – Qazaqstan Respýblikasynyń 2020-2025 jyldarǵa arnalǵan densaýlyq saqtaý salasyn damytý memlekettik baǵdarlamasynyń basymdyqqa ie baǵyttarynyń biri», - dep jaýap qatty Asqar Mamin depýtattardyń saýalyna.
Onyń aitýynsha, balalardy semizdik dertinen qorǵaý úshin 2025 jylǵa deiin mynadai sharalar kózdelip otyr:
- transmaily qyshqyldardyń paidalanýǵa tyiym salý;
- belgili bir azyq-túlik pen taǵamdar quramyndaǵy qant pen tuzǵa shekteý qoiý;
- balalarǵa arnalǵan transmaily qyshqyl, tuz ben qanty mol azyq-túliktiń marketingin televideniede jáne áleýmettik jelide shekteý;
- óndirýshilerdi retseptýrada qaýipsiz ingredientterdi, organikalyq shikizatty óndirýge yntalandyrý;
- bilim uiymdarynda, azyq-túlik bazarlarynda, saýda kásiporyndarynda jáne qoǵamdyq tamaqtaný oryndarynda jańa pisken jemis-jidek pen kókónis satylatyndai jaǵdai jasaý;
- balabaqshalar men mektepterde úilesimdi tamaqtaný júiesiniń standartyn engizý.
