Bir jylda Qazaqstanda aiaq kiim 10% qymbattaǵan. Bul týraly QazAqparat Energyprom.kz saityna silteme jasap habarlaidy.
2022 jyldyń qańtar-mamyr ailarynda Qazaqstanda 546 myń jup aiaq kiim shyǵarylǵan. Bul byltyrǵy kórsetkishten 13,3% az.
Óńirler arasynda bul kórsetkish boiynsha Almaty qalasy alda tur - 253,3 myń jup aia kiim óndirilgen. Odan keiin Jambyl (73,4 myń jup) jáne Almaty (57,9 myń jup) oblystary tur.
«Otandyq óndirýshiler 2022 jyldyń birinshi toqsanynda halyq suranysynyń tek 4,2%-yn ǵana qanaǵattandyrǵan. Iaǵni, búkil naryq importqa táýeldi deýge bolady. Qańtar-naýryz aralyǵynda elge syrttan 6,9 mln jup aq kiim ákelingen. Bir qýantarlyǵy, bul kórsetkish 2021 jylǵydan 2,6 ese az», - dep jazylǵan saitta shyqqan aqparatta.
2022 jyldyń mamyr aiyndaǵy qorytyndy boiynsha, aiaqkiim baǵasy 9,7% ósken. Energyprom.kz-tiń jazýynsha, keiingi 4 jylda birinshi ret osyndai qymbatshylyq baiqalyp otyr. Óńirlerdegi qymbattaý deńgeii ár túrli. Qostanai oblysynda 4,9% bolsa, Mańǵystaý oblysynda 19,5% ósken.
Bir jyl ishinde bárinen buryn balalar aiaq kiimi – 14,2%. Áielder aiaq kiimi 8,8%, erle aiaq kiimi 7,9% qymbattady.
