Qazaqstan Densaýlyq saqtaý ministrligi balaǵa ekpe alýdan bas tartqandarǵa aiyppul salýdy usyndy, dep habarlaidy Sputnik.
Ministr Eljan Birtanov Densaýlyq kodeksine engizilýi múmkin túzetýler týraly aitty.
"Ókinishke qarai, elimizde ekpeden bas tartatyn jaǵdailar kezdesedi. Keibir elderde mundai azamattarǵa arnaiy shara qoldanylady. Germaniiada, mysaly, mundai balalar mektepke kirgizilmeidi. Bizde ondai joq. Árine, sarapshylarmen, qoǵamdyq uiymdarmen birge talqylaimyz", — dep jaýap berdi Birtanov.
Densaýlyq saqtaý ministri sheshim áli qabyldanbaǵanyn atap ótti.
Qazaqstanda jyl basynan beri kem degende bes júz balaǵa ekpe salynbaǵan, olardyń jartysy dini ustanymyna bailanysty bas tartqan.
Bárinen jeke pikirine súienip bas tartatyndar kóp, olardyń sany 50 protsentke jýyq.
Qazaqstanda jyl saiyn bes millionǵa jýyq adam infektsiialyq aýrýlarǵa qarsy egiledi, onyń ishinde 1,3 million bala bar.
