Densaýlyq saqtaý ministri Ajar Ǵiniiat Qazaqstandaǵy bala men ana ólimi kórsetkishi joǵary aimaqtardy atady, - dep habarlaidy Tengrinews.kz.
Ministrdiń aitýynsha, bala ólimi kórsetkishi 1000 tiri týǵan bala sanyna shaqqanda 8,3 bolǵan.
"Bala óliminiń eń joǵary kórsetkishi Shymkent qalasy, Qostanai, Batys Qazaqstan, Soltústik Qazaqstan jáne Qyzylorda oblystarynda. 60 paiyzynda shala týǵan náresteler shetinep ketken", - dedi ministr Úkimet otyrysynda.
Sonymen qatar, ol Pavlodar, Qaraǵandy, Qyzylorda jáne Batys Qazaqstan oblystarynda ana ólimi kórsetkishi joǵary ekeni baiqalatynyn atap ótti.
"Sebepter qurylymynda akýsherlik asqynýlar - 70 paiyz, somatikalyq aýrýlar - 30 paiyz", - dedi ol.
Sonymen qatar, Ǵiniiat meditsinalyq uiymdardyń kadrlyq áleýetin nyǵaitý maqsatynda meditsinalyq kadrlardy daiarlaýǵa arnalǵan rezidentýra granttarynyń sany 1500-ge deiin ulǵaitylǵanyn atap ótti.
