2017 jylǵy maýsymda azyq-túlik taýarlarynyń baǵasy 2016 jylǵy maýsymmen salystyrǵanda 9,7 paiyzǵa ósti, - dep habarlaidy "Ult aqparat" QR Ulttyq ekonomika ministrliginiń baspasóz qyzmetine silteme jasap.
Baspasóz qyzmetiniń málimetinshe, kofe, shai jáne kakao 20,5 paiyzǵa, jemister men kókónister - 17,3 paiyz, konditerlik ónimderge - 11,8 paiyzǵa, alkogol ishimdikter - 9,3 paiyzǵa, toqash jáne un ónimderi - 8,6 paiyzǵa, sút ónimderi - 8,4 paiyzǵa, balyq jáne teńiz ónimderi - 7,6 paiyzǵa, nan - 7,4 paiyzǵa, un - 5,5 paiyzǵa, mai jáne toń mai - 3,8 paiyzǵa, makaron ónimderi - 3,3 paiyzǵa, qant - 1,1 paiyzǵa qymbattaǵan, al jarmalar 2,1 paiyzǵa tómendedi.
Bul kezeńde et jáne et ónimderi baǵasynyń ósimi 10,3 paiyz bolypty. Siyr etine baǵa deńgeii 12,9 paiyz, qoi etine - 12,1 paiyz, qus etine - 11,6 paiyz, shoshqa eti - 9 paiyz, jylqy etine - 7,1 paiyz, shujyq ónimderine - 5,6 paiyzǵa joǵary boldy.
