Qazaqstanda 800 myń tonnadan astam túrli azyq-túlik taýarlarynyń qory bar. Bul týraly Aýyl sharýashylyǵy ministrliginen málim boldy, dep habarlaidy "Ult aqparat".
«QR Aýyl sharýashylyǵy ministrligi azyq-túlik taýarlarynyń 32 túri boiynsha óńirlerdiń qamtamasyz etilýine apta saiyn monitoring júrgizedi. Monitoring turaqtandyrý qorlaryndaǵy, iri saýda jelilerindegi, jetkizýshiler men qaita óńdeý kásiporyndarynyń qoimalaryndaǵy qorlardy eskeredi. Óńirlerdiń jedel derekterine qaraǵanda, biylǵy 19 tamyzdaǵy jaǵdai boiynsha elimiz boiynsha jalpy kólemi 819 myń tonna túrli azyq-túlik taýarlarynyń qory bar. Onyń ishinde óndirýshi kásiporyndarda – 301 myń tonna, qoimalarda – 86,6 myń tonna, saýda jelilerinde – 374 myń tonna, turaqtandyrý qorlarynda – 18,3 myń tonna. Budan basqa, 495,7 mln dana jumyrtqa qory bar», - delingen ministrlik málimetinde.
Kórsetilgen kólem ónim túrlerine bailanysty bir aidan alty aiǵa deiingi merzimge jetkilikti.
«Azyq-túlik taýarlarynyń óndirisi artyp, qorlar únemi jańartylyp, tolyqtyrylyp otyrady. Sondyqtan olar boiynsha tapshylyq joq jáne uzaq merzimge jetkilikti turaqty qor bar», - dep atalyp ótken habarlamada.
