قازاقستاندا 800 مىڭ توننادان استام تٷرلٸ ازىق-تٷلٸك تاۋارلارىنىڭ قورى بار. بۇل تۋرالى اۋىل شارۋاشىلىعى مينيسترلٸگٸنەن مەلٸم بولدى, دەپ حابارلايدى "ۇلت اقپارات".
«قر اۋىل شارۋاشىلىعى مينيسترلٸگٸ ازىق-تٷلٸك تاۋارلارىنىڭ 32 تٷرٸ بويىنشا ٶڭٸرلەردٸڭ قامتاماسىز ەتٸلۋٸنە اپتا سايىن مونيتورينگ جٷرگٸزەدٸ. مونيتورينگ تۇراقتاندىرۋ قورلارىنداعى, ٸرٸ ساۋدا جەلٸلەرٸندەگٸ, جەتكٸزۋشٸلەر مەن قايتا ٶڭدەۋ كەسٸپورىندارىنىڭ قويمالارىنداعى قورلاردى ەسكەرەدٸ. ٶڭٸرلەردٸڭ جەدەل دەرەكتەرٸنە قاراعاندا, بيىلعى 19 تامىزداعى جاعداي بويىنشا ەلٸمٸز بويىنشا جالپى كٶلەمٸ 819 مىڭ توننا تٷرلٸ ازىق-تٷلٸك تاۋارلارىنىڭ قورى بار. ونىڭ ٸشٸندە ٶندٸرۋشٸ كەسٸپورىنداردا – 301 مىڭ توننا, قويمالاردا – 86,6 مىڭ توننا, ساۋدا جەلٸلەرٸندە – 374 مىڭ توننا, تۇراقتاندىرۋ قورلارىندا – 18,3 مىڭ توننا. بۇدان باسقا, 495,7 ملن دانا جۇمىرتقا قورى بار», - دەلٸنگەن مينيسترلٸك مەلٸمەتٸندە.
كٶرسەتٸلگەن كٶلەم ٶنٸم تٷرلەرٸنە بايلانىستى بٸر ايدان التى ايعا دەيٸنگٸ مەرزٸمگە جەتكٸلٸكتٸ.
«ازىق-تٷلٸك تاۋارلارىنىڭ ٶندٸرٸسٸ ارتىپ, قورلار ٷنەمٸ جاڭارتىلىپ, تولىقتىرىلىپ وتىرادى. سوندىقتان ولار بويىنشا تاپشىلىق جوق جەنە ۇزاق مەرزٸمگە جەتكٸلٸكتٸ تۇراقتى قور بار», - دەپ اتالىپ ٶتكەن حابارلامادا.
