.webp)
Foto: Zakon.kz
Tamyz aiynan beri Qazaqstanda azyq-túlik baǵasynyń ósý qarqyny aitarlyqtai tómendedi, dep habarlaidy Ult.kz.
Eger ekinshi toqsanda azyq-túlik infliatsiiasy azyq-túlikke jatpaityn taýarlar men qyzmetterden 4,6 paiyzdyq pýnktke joǵary bolsa, qazir bul aiyrmashylyq 2,9 pýnktke deiin qysqardy. Tek tamyz aiynda azyq-túlik infliatsiiasy 0,5% bolyp, bul azyq-túlikke jatpaityn taýarlardan eki ese, al qyzmetterden úsh ese tómen kórsetkish boldy.
Áleýmettik mańyzy bar azyq-túlik taýarlaryna (ÁMAT) erekshe nazar aýdarylýda. Jyl basynan beri olardyń baǵa indeksi 108%-ǵa jetkenimen, tamyz aiynda ózgermedi, al qyrkúiektiń úsh aptasynda nebári 0,2%-ǵa ósti.
Kókónis arzandady:
-
kartop – 300 teńgeden 184 teńgege,
-
sábiz – 295 teńgeden 193 teńgege,
-
piiaz – 222 teńgeden 137 teńgege deiin tómendedi.
Basqa taýarlar baǵasy da salystyrmaly túrde turaqty. Sút ónimderi jyl basynan beri 5,3%-ǵa ǵana qymbattasa, qaraqumyq 8,9%-ǵa ósti. Al rojki, un jáne kúrish byltyrǵydan arzan.
Siyr eti – negizgi faktor
Azyq-túlik infliatsiiasyna eń kóp áser etken ónim – siyr etiniń jaýyryn-keýde bóligi. Bul taýar halyq tutyný qorjynynda mańyzdy oryn alyp, jalpy infliatsiiaǵa shamamen 2 paiyzdyq pýnkttik yqpal etti. Jyl basynan beri et baǵasy 25%-ǵa jýyq, al siyr etiniń osy bóligi 23,6%-ǵa qymbattady.
2023 jyldyń jeltoqsanynda onyń ortasha baǵasy 2 506 teńge bolsa, 2024 jylǵy qyrkúiekte – 2 549 teńge, al jeltoqsanda – 2 572 teńge boldy. Iaǵni jyl boiy baǵa turaqty deńgeide saqtaldy, kei kezderi ózindik qunynan da tómen satylǵan.
Aimaqtyq salystyrý:
-
Qazaqstan – 4 715 teńge
-
Resei – 10 180 teńge
-
Ózbekstan – 5 227 teńge
-
Armeniia – 5 112 teńge
-
Tájikstan – 6 070 teńge
-
Belarýs – 4 480 teńge
Osylaisha, Qazaqstandaǵy siyr eti baǵasy óńirdegi eń qoljetimdi deńgeilerdiń birinde qalyp otyr.
