Foto: ashyq derekkóz
Qazaqstanda adamdardy olardyń kelisiminsiz fotoǵa jáne videoǵa túsirýge tyiym salý máselesi talqylanyp jatyr. Bul týraly Mádeniet jáne aqparat ministri Aida Balaeva málimdedi, dep habarlaidy Ult.kz.
Ministrdiń aitýynsha, bastamanyń maqsaty – azamattardyń jeke ómirin qorǵaý. Qazir kez kelgen adamdy qoǵamdyq oryndarda jasyryn nemese ruqsatsyz túsirip, áleýmettik jelige jariialaý keń taraǵan.
«Bul bastama – sheneýnikterdi qorǵaý emes, qarapaiym adamdardyń jeke keńistigin saqtaý týraly. Azamattar ózderin prankerler jasyryn túsirip, ádepsiz áreketterge itermeleitinin aityp, jii shaǵynady. Keibiri tipti úiinen shyǵýǵa qorqatynyn aitady», – dedi Aida Balaeva.
Onyń sózinshe, bul máseleni sheshý úshin arnaiy jumys toby qurylyp jatyr. Topqa BAQ ókilderi men zańgerler de tartylady. Olar kimdi, qashan jáne qandai jaǵdaida túsirýge bolatynyn anyqtaityn naqty erejelerdi daiyndaidy.
