Elordada «Áielderdiń ekonomikalyq múmkindikterin keńeitý sharalary men quraldary» atty respýblikalyq konferentsiia barysynda QR Ulttyq ekonomika ministri Áset Erǵaliev Qazaqstandaǵy áielder kásipkerligin damytý týraly baiandady, dep habarlaidy "Ult aqparat".
«Biyldyń ózinde áielder kásipkerligin damytý boiynsha 17 ortalyq ashylyp, jumys istei bastaidy, iaǵni elimizdiń ár óńirinde bir-bir Ortalyq bolady», - dedi ministr.
Ortalyqtardyń ashylýy QR UEM, «Atameken» UKP jáne QR Prezidenti janyndaǵy Áielder isteri jáne otbasylyq-demografiialyq saiasat jónindegi Ulttyq komissiia arasyndaǵy áielder kásipkerligin damytý boiynsha áriptestik jáne yntymaqtastyq týraly qol qoiylǵan kelisim sheńberinde kózdelip otyr.
Kelisim áielderdiń qoǵamdyq-saiasi ómirdegi ekonomikalyq múmkindigin keńeitýdi qarastyrady. Qujat áiel kásipkerligin damytý, oqytý, kooperatsiia jáne qajetti quzyretterdi qalyptastyrý arqyly olardyń ekonomikalyq belsendiligin yntalandyrý, sondai-aq biznesti qoldaý baǵdarlamalary sheńberinde jeńildikti kreditter men granttar berý, áielderdiń jumyspen qamtylýyn qamtamasyz etý, áielder men olardyń uiymdary óndirgen taýarlar men qyzmetterdi ótkizý naryqtaryn damytýǵa járdemdesý máseleleri boiynsha taraptardyń ózara is-qimylyn kózdeidi.
Á. Erǵalievtiń aitýynsha, Ministrlik qurylyp jatqan ortalyqtar alańynda áielder kásipkerligin damytý boiynsha tiimdi sharalardy ázirleý úshin ákimdikter men damý institýttary janynda jumys istep jatqan áielderdi qoldaý ortalyqtary men qyzmetteriniń jumysyn belsendi zertteýde.
«Ortalyqtar áielderdiń kásipkerlik bastamasynyń áleýetin iske asyrýǵa qýatty serpin bere otyryp, áielderdi aqparattyq jáne konsýltatsiialyq qoldaýdyń negizgi kózine ainalady. Áielderdiń ekonomikadaǵy róliniń kúsheiýi ekonomikalyq ósý men qoǵamnyń damýyna yqpal etetinine senimdimin», - dedi ol.
Biznesti qoldaý jónindegi memlekettik baǵdarlamalar monitoringiniń derekteri boiynsha memleketten qarjylai qoldaý alatyn kásipker áielderdiń úlesi shamamen 32%-ti quraidy. Bul jeńildetilgen banktik kreditteý jáne granttar berý. Qarjylai emes qoldaý jobalarynyń jartysyna jýyǵy (45%) – áiel-kásipkerlerdiń qatysýymen iske asyrylady.
Ulttyq ekonomika ministrligi men EQQDB arasyndaǵy yntymaqtastyq sheńberinde 300-ge jýyq kásipker áiel jergilikti konsýltanttardan konsýltatsiialyq kómek aldy, 35,4 mlrd.teńge somasynda 21,8 myń kredit berildi.
Óz baiandamasynyń sońynda Áset Erǵaliev kásipker áielderge atqarǵan jumystary úshin alǵys aityp, aldaǵy merekemen quttyqtady.
