Qazaqstanda aiaq kiimdi mindetti tsifrlyq tańbalaý 2021 jylǵy 1 qarashadan engiziletin bolady, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Iaǵni osy ýaqyttan bastap tańbalanbaǵan aiaq kiimniń óndirisine jáne onyń QR aýmaǵyna ákelinýine tyiym salynady. Al bólshek saýda biznesinde tańbalanbaǵan taýarlardyń qaldyqtaryn satý úshin 2022 jyldyń 1 qarashasyna deiin qosymsha merzim bar.
Jańa erejeler boiynsha jumys isteý úshin óndirýshiler men importtaýshylar tańbalaý júiesinde (markirovka.kz) tirkelý kerek. Tańbalaý kodtaryn shyǵarý úshin júiege óndiriletin jáne importtalatyn ónim týraly aqparatty engizý qajet. Osyndai bir kodtyń quny 2,68 teńgeni quraidy.
«Qazirgi ýaqytta aiaq kiim taýarlarynyń ainalymy 96% - import, 4% - ishki óndiris bolyp sipattalady. Aiaq kiim ishki naryǵynyń damýyn kóleńkeli ainalym aitarlyqtai shekteidi», - delingen ministrliktiń habarlamasynda.
