Foto: bloknot.ru
Qazaqstandyqtar jii kólik ákeletin elder ataldy, - dep habarlaidy Tengrinews.kz.
IIM Ákimshilik politsiia komitetiniń tóraǵasy Qaisar Sultanbaev zańdastyrylǵan avtomobilderdiń edáýir sany Qazaqstanmen bir Keden odaǵynda turǵan úsh elden ákelinetinin málimdedi.
"Bul Reseiden ákelingen avtokólikter – 66,3 paiyz nemese 132 929 dana, Armeniia – 18,5 paiyz nemese 37 113 dana, Qyrǵyzstan – 10,8 paiyz nemese 21 601 dana", – dedi ol OQK-da ótken brifingte.
Qazaqstan óńirleri boiynsha eń kóp sheteldik avtokólik Almatyda (21 115), Aqtóbe oblysynda (20 876), Shymkentte (15 145), Batys Qazaqstan oblysynda (14 204), Atyraý oblysynda (14 197), Qyzylorda oblysynda (13 695) tirkelgen.
