2024 jyldyń birinshi toqsanynda avtokólikti jóndeýge ketetin ortasha chek 33 400 teńge boldy. Byltyrǵy qańtar-naýryzben salystyrǵanda biyl servis 14 paiyzǵa qymbattaǵan.
Jalpy alǵanda avtokólikterdi jóndeýge ketetin ortasha soma biraz ýaqyt turaqty bolyp turǵan. Tek naýryz aiynda asa qatty sharyqtap ketken. Oǵan avtoservis segmentindegi qyzý maýsym sebep bolǵan.
Avto qyzmet kórsetý baǵasy infliatsiiadan sál asyp, birtindep ósip keledi. Elimizde óndiristiń de, jańa kólikter shyǵarýdyń qarqyny aqyryndap artyp jatyr. Degenmen eski kólikterdiń úlesi áli de kóp. Sáikesinshe, kólik eski bolǵan saiyn, jii jóndeý kerek bolady. Sondyqtan avtokólik ieleri temir tulparyn uzaǵyraq paidalaný úshin jóndeýge berip, aqsha salady, – deidi Qazaqstandaǵy Fit Service departamentiniń jetekshisi Viacheslav Mishin.
2024 jyldyń birinshi toqsanynda avtoservis qyzmetine Toyota, Hyundai, Lada, Kia jáne Chevrolet kólikterini ieleri júgingen. Al modelderin atap ótsek: Toyota Camry, Hyundai Accent jáne Kia Rio.
Zertteýge Qazaqstannyń toǵyz qalasyndaǵy (Almaty, Astana, Pavlodar, Qaraǵandy, Óskemen, Qostanai, Petropavl, Semei, Oral) 18 avtoservis jelisi stantsiiasy qatysqan.
