Qazaqstanda aviatsiia salasynda jolaýshy jáne tasymal salasynda qaǵaz qujattan elektrondy qujatqa kóshý úshin «e-Freight» júiesin engizý júrgizilip jatyr, dep habarlaidy "Ult aqparat" Qazaqstannyń aviatsiialyq əkimshiligi kompaniiasynyń baspasóz qyzmetine silteme jasap.
Qazaqstannyń aviatsiialyq ákimshiliginde «e – Freight» Qazaqstan kóligin tsifrlandyrý salasyndaǵy memlekettik-jekeshelik áriptestiktiń alǵashqy jobasyndaǵy máselelerge qatysty vebinar ótti.
«e-Freight aqparattyq júiesi qazirgi ýaqytta bar qaǵaz qujattardy áýe kóligimen júkterdi tasymaldaýdy daiyndaý, resimdeý jáne oryndaý kezinde tiisti elektrondyq qujattar men habarlamalarǵa aýystyrýǵa arnalǵan. Jobany iske asyrý júk aviatasymaldary boiynsha qujattamany resimdeý tiimdiligin arttyrýǵa, júk operatsiialaryn óńdeý merzimderin qysqartýǵa jáne júk aviatasymaldary men Qazaqstan Respýblikasynyń aýmaǵy arqyly tranzittiń tartymdylyǵyn arttyrýǵa múmkindik beredi», delingen habarlamada.
Vebinarda ótken jyldyń qorytyndysy shyǵaryldy. Osylaisha, 2020 jyly júiede 84 738 elektrondyq áýe jelisi óńdeldi, 17 áýe kompaniia men 15 áýejai qosyldy, júieniń jańa fýnktsionalyn qosý jáne qoldanystaǵy fýnktsionalyn jańartý boiynsha jumys júrgizildi. Qazirgi ýaqytta Aýyl sharýashylyǵy ministrliginiń «Agriculture» aqparattyq júiesimen integratsiialaý aiaqtalyp keledi, bul qarapaiym júkter úshin ishki tasymaldaý boiynsha áýe qoimalarynan bas tartý, sanitariialyq-karantin qyzmetterinen elektrondy ruqsat, elektrondy karantin anyqtamasy (sertifikat) alýǵa múmkindik beredi. Sondai-aq, áýe kompaniialardyń qaǵaz tasymaldaýdan bas tartý múmkindigimen halyqaralyq júk tasymaldary boiynsha elektrondyq aviajolaǵyshty engizý úshin QR Qarjy ministrligi Memlekettik kirister komitetiniń «Astana-1» aqparattyq júiesimen integratsiianyń 1-kezeńi aiaqtaldy.
IIDM Azamattyq aviatsiia komiteti Qazaqstannyń qoldanystaǵy zańdaryna sáikes, sondai-aq IKAO standarttary men usynylatyn praktikasyn eskere otyryp, qujattar men protsesterdi elektrondyq formatqa kóshirýge qolaily jaǵdai jasaý úshin zańnamany jetildirý boiynsha jumys júrgizip keledi. Aviatsiialyq ákimshiligi tarapynan turaqty negizde «e-Freight» aqparattyq júiesine qatysýshylardyń jumysyna monitoring júzege asyrylady. Áýe kompaniialar men áýejailar tájiribelerimen bólip, eskertý, usynys jáne jumystaǵy qatelik men kemshilikti joiý boiynsha mindetterdi birlesip sheshýde.
«2021 jylǵa «e-Freight« aqparattyq júiesin damytý boiynsha birqatar mindetter qoiyldy. Atap aitqanda, 2021 jylǵy 1-toqsanda aýyl sharýashylyǵy ministrliginiń «Agriculture« aqparattyq júiesimen integratsiiany aiaqtaý jáne ishki júk-aviatasymaldar boiynsha qaǵazdardan elektrondyq júkqujattarǵa kóshý, áýe kompaniialardyń qaǵazdardan bas tartý múmkindigimen halyqaralyq júk tasymaldary boiynsha elektrondyq qujatty engizý úshin «Astana-1« Qarjy ministrligi Memlekettik kirister komitetiniń aqparattyq júiesimen integratsiianyń 2-shi kezeńin aiaqtaý, birqatar negizgi fýnktsiialardy engizý jáne júieniń fýnktsionaldyq múmkindikterin keńeitý úshin birneshe modýl qosý», delingen habarlamada.
Keńeske QR IIDM Azamattyq aviatsiia komitetiniń ókilderi, qazaqstandyq áýejailardyń tasymaldaý jáne aviatsiialyq qaýipsizdik qyzmetteriniń basshylary, «Air Astana», «Scat» áýe kompaniialarynyń ókilderi, sondai-aq «TransInfoTech» JShS jobasynyń jeke seriktesi qatysty.
