Foto: QR EM
Energetika ministrligi EnergyTech platformasy aiasynda áýe elektr berý jelileriniń (EBJ) aqaý anyqtaý júiesin engizýde, dep habarlaidy Ult.kz.
Jańa servis ushqyshsyz ushý apparattary (drondar) men jasandy intellekt tehnologiialaryn qoldanyp, jelilik infraqurylymdaǵy aqaýlardy avtomatty túrde anyqtaýǵa múmkindik beredi.
Júieniń negizgi fýnktsiialary:
-
beinematerialdar, fotosýretter, termobeineleý jáne LiDAR derekterin taldaý arqyly aqaýlardy anyqtaý;
-
nysandardy aqaýlarmen qosa tsifrlyq tirkeýden ótkizý;
-
mashinalyq oqytý negizinde tehnikalyq jaǵdaidy 98%-ǵa deiingi dáldikpen baǵalaý;
-
etalondyq málimetter qory men vizýaldy aqparat ortalyǵyn qalyptastyrý;
-
aqaýlardy tehnikalyq qyzmet kórsetý jáne jóndeý júielerine avtomatty baǵyttaý.
Joba elektr energiiasyn jetkizý men taratý jelilerindegi apat sanyn azaityp, proaktivti diagnostika men tsifrlyq baqylaýǵa jol ashady.
Energetika ministrligi bul bastama energetikalyq jáne kommýnaldyq sektorlardy jańǵyrtý jónindegi Ulttyq joba mindetterine tolyq sai ekenin atap ótti. Ministrliktiń josparyna sáikes, saladaǵy negizgi úderister aýqymdy túrde tsifrlandyrylmaq.
