Foto: pexels.com
Sinoptikter Qazaqstanda 12-14 qazanda aýa raiy qandai bolatyny týraly boljam jasady, - dep habarlaidy "Ult aqparat" Qazgidrometke silteme jasap.
Boljamǵa sáikes, aldaǵy kúnderi Qazaqstannyń basym bóliginde aýa-raiynyń turaqsyz sipaty saqtalady. Jaýyn-shashyn jańbyr, jylbysqy qar túrinde bolady.
"12 qazanda batysta, soltústik-batysta, 13 qazanda ortalyqta, ońtústikte, 14 qazanda shyǵysta, 13-14 qazanda elimizdiń ońtústik-shyǵysynda qatty jaýyn-shashyn bolady. Respýblika boiynsha kóktaiǵaq, ekpindi jel kútiledi, túnde jáne tańǵy ýaqytta tuman boljanady.
Aýa temperatýrasy shyǵysta túnde 3-11 gradýs jylydan 3 gradýs aiaz - 8 gradýs jylyǵa deiin, kúndiz 10-22 gradýs jylydan 4-15 gradýs jylyǵa deiin, elimizdiń ońtústiginde, ońtústik-shyǵysynda túnde 10-18 gradýs, taýly aýdandarda 2-7 gradýs jylydan 0-10 gradýs jyly, taýly aýdandarda 0-5 gradýs aiazǵa deiin, kúndiz 22-27 gradýs, taýly aýdandarda 10-15 gradýs jylydan 7-15 gradýs, taýly aimaqtarda 0-5 gradýs jylyǵa deiin tómendeidi" - delingen habarlamada.
