Áskeri ushqyshtardyń eńbekaqysy ósetin boldy. Bul týraly Parlament Májilisinde áskeri bilim berýdi damytý taqyrybyndaǵy Úkimet saǵatynda QR Qorǵanys ministri Sáken Jasuzaqov málim etti, dep habarlaidy QazAqparat.
«Búginde bizde ushqyshtar quramynyń áskerden jii ketýi jaǵdaiy qalyptasyp otyr. Ótken jyly 25 adam jumystan ketip qaldy. Atap aitqanda, olar eńbekaqy somasy 1,5 mln teńgege jetetin Air Astana, SCAT kompaniialaryna aýysýda. Reseilik áriptesterimiz, iaǵni dál osyndai ushqyshtar 800 myń rýbl kóleminde ailyq alady. Al bizdiń birinshi sanattaǵy ushqyshtar 270 myń teńge ailyq alyp keledi», - dedi ministr.
Osy oraida, S. Jasuzaqova áskeri ushqyshtardyń jalaqysyn kóterý týraly usynysyn Prezident qoldaǵanyn atap ótti.
«Bul másele boiynsha Memleket basshysyna hat jazdym. Prezident qoldaý bildirip, ushqyshtar quramyna eńbekaqyny eki esege kóterý úshin Úkimetke tapsyrma berdi. Kem degende atalǵan somany 450-500 myń teńgege jetkizý eskerilip otyr», - dedi vedomstvo basshysy.
