ەسكەري ۇشقىشتاردىڭ ەڭبەكاقىسى ٶسەتٸن بولدى. بۇل تۋرالى پارلامەنت مەجٸلٸسٸندە ەسكەري بٸلٸم بەرۋدٸ دامىتۋ تاقىرىبىنداعى ٷكٸمەت ساعاتىندا قر قورعانىس مينيسترٸ سەكەن جاسۇزاقوۆ مەلٸم ەتتٸ, دەپ حابارلايدى قازاقپارات.
«بٷگٸندە بٸزدە ۇشقىشتار قۇرامىنىڭ ەسكەردەن جيٸ كەتۋٸ جاعدايى قالىپتاسىپ وتىر. ٶتكەن جىلى 25 ادام جۇمىستان كەتٸپ قالدى. اتاپ ايتقاندا, ولار ەڭبەكاقى سوماسى 1,5 ملن تەڭگەگە جەتەتٸن Air Astana, SCAT كومپانييالارىنا اۋىسۋدا. رەسەيلٸك ەرٸپتەستەرٸمٸز, ياعني دەل وسىنداي ۇشقىشتار 800 مىڭ رۋبل كٶلەمٸندە ايلىق الادى. ال بٸزدٸڭ بٸرٸنشٸ ساناتتاعى ۇشقىشتار 270 مىڭ تەڭگە ايلىق الىپ كەلەدٸ», - دەدٸ مينيستر.
وسى ورايدا, س. جاسۇزاقوۆا ەسكەري ۇشقىشتاردىڭ جالاقىسىن كٶتەرۋ تۋرالى ۇسىنىسىن پرەزيدەنت قولداعانىن اتاپ ٶتتٸ.
«بۇل مەسەلە بويىنشا مەملەكەت باسشىسىنا حات جازدىم. پرەزيدەنت قولداۋ بٸلدٸرٸپ, ۇشقىشتار قۇرامىنا ەڭبەكاقىنى ەكٸ ەسەگە كٶتەرۋ ٷشٸن ٷكٸمەتكە تاپسىرما بەردٸ. كەم دەگەندە اتالعان سومانى 450-500 مىڭ تەڭگەگە جەتكٸزۋ ەسكەرٸلٸپ وتىر», - دەدٸ ۆەدومستۆو باسشىسى.
