Qazaqstanda áskeri qyzmetshilerge beriletin qarjylai tólem 3 jyl ishinde 30 paiyzǵa artady, dep habarlaidy "Ult aqparat".
Bul jaiynda Qazaqstan Prezidenti – Qarýly Kúshterdiń Joǵarǵy Bas qolbasshysy Qasym-Jomart Toqaev Qorǵanys ministrliginiń keńeitilgen alqa májilisinde aitty.
– Qorǵanys ministrligine múddeli organdarmen birlesip, 2021 jylǵy 1 qarashaǵa deiin Qarýly Kúshterdegi, basqa da áskerler men áskeri qurylymdardaǵy ideologiialyq jumystardyń tujyrymdamasyn ázirleýdi tapsyramyn, – dedi Qasym-Jomart Toqaev.
Sonymen qatar ol áskerilerdi áleýmettik-quqyqtyq turǵydan qorǵaý máselesine toqtaldy.
Prezident kelesi jyldan bastap kúshtik qurylymdarǵa arnalǵan azyq-túlikke bólinetin qarjy kólemi artatynyn, aldaǵy 3 jyl ishinde áskeri qyzmetshilerge beriletin qarjylai tólemdi ortasha eseppen 30 paiyzǵa kóbeitý týraly sheshim qabyldanǵanyn habarlady.
