Tótenshe jaǵdaiǵa bailanysty áskeri qyzmetke shaqyrý toqtatyldy. Bul týraly aqparat jáne qoǵamdyq damý ministri Dáýren Abaev málimdedi, dep habarlaidy "Ult aqparat".
"Qorǵanys ministrliginiń jańalyǵyn erekshe atap ótkim keledi. Tótenshe jaǵdaidyń engzilýine bailanysty 2019 jyly kóktemde shaqyrylǵan azamattardy áskeri qyzmetten bosatý toqtatylady. Sol siiaqty áskeri qyzmetke shaqyrý da ýaqytsha toqtatylady", - dedi Abaev búgingi brifingte.
Aita keteiik, 16 naýryzda koronavirýsqa bailanysty Qazaqstanda tótenshe jaǵdai rejimi jariialanǵan bolatyn. Al 19 naýryzdan bastap Nur-Sultan men Almatyda karantin engizildi.
Sońǵy málimetter boiynsha Qazaqstanda koronavirýs dertine shaldyqqandar sany 68 adamǵa jetti. Onyń 35-i Nur-Sultanda, 29-y Almatyda, 2-i Qaraǵandyda, 1-i Almaty oblysynda jáne 1 jaǵdai Aqtóbe oblysynda tirkelgen.
