Qazaqstanda «Ashyq úkimet» platformasy quryldy. Bul týraly QR Tsifrlyq damý, innovatsiia jáne aeroǵarysh ónerkásibi ministri Baǵdat Mýsin óziniń Facebook paraqshasynda jazdy, dep habarlaidy "Ult aqparat".
Ministrdiń jazýynsha, atalmysh joba memlekettiń nemen ainalysatynyn jáne ártúrli jobalardyń qalai iske asyrylyp jatqanyn bilý jáne ashyqtyǵyn anyqtaý maqsatynda qolǵa alynǵan.
«Ashyq úkimet» platformasy ashyq derekter, ashyq NQA, ashyq dialog, ashyq biýdjetter, sondai-aq memlekettik organdar qyzmetiniń tiimdiligin baǵalaýdan turady. 2021 jylǵy 14 qańtarda saǵat 18:00-de «Astana Hub» bazasynda «brainstorm» konferentsiiasy ótedi, onda biz «Ashyq úkimetti» damytý tujyrymdamasyn talqylaimyz. Barlyq niet bildirýshi azamattardy talqylaýǵa shaqyra otyryp, ashyq úkimetti odan ári damytý úshin usynystardy birge qarastyrǵymyz keledi. Bizdiń mamandar taldaý júrgizip, problemalyq máselelerdi anyqtady. Olardyń sheshimderi servis jumysyn edáýir jaqsartady. Al bizdiń maqsatymyz servisti barynsha paidalanýǵa yńǵaily ári ońai etip jasaý.
Biz barlyǵyn qabyldaýǵa daiynbyz. Sondyqtan «Ashyq úkimetti» jaqsartý jóninde naqty usynystar engize alatyn jýrnalisterdi, qoǵamdyq uiymdardyń ókilderin, blogerlerdi jáne túrli salanyń mamandaryn qatysýǵa shaqyramyz. Talqylaýǵa qosylý úshin myna https://zoom.us/j/92044191804 siltemesine ótý kerek», - delingen habarlamada.
