Qazaqstanda ashyq tústi munai ónimderiniń importyna tyiym salynbaq. Bul týraly QR Energetika ministrliginiń baspasóz qyzmeti habarlady.
Baspasóz málimetterine qaraǵanda, atalmysh normativtik quqyqtyq aktini qabyldaý otandyq munai óńdeý zaýyttary óndiretin jáne syrttan ákelinetin munai ónimderi kólemderi arasyndaǵy tutynýdyń yńǵaily teńgerimin qamtamasyz etýge, sondai-aq zaýyttardaǵy munai óńdeýdiń tómendeý faktilerin boldyrmaýǵa baǵyttalǵan.
QR Energetika ministrligi «Qazaqstan Respýblikasyna munai ónimderin jetkizýdiń keibir máseleleri týraly» 2020 jylǵy 8 jeltoqsandaǵy № 431 buiryǵynda qysqy dizel otynyn jáne arktikalyq dizel otynyn (SEQ TN kodtary 2710 19 422 0, 2710 19 423 0) qospaǵanda, Qazaqstan Respýblikasyna dizel otynyn (SEQ TN kodtary 2710 19 421 0 – 2710 19 424 0 jáne 2710 19 425 0) temirjol, avtomobil jáne qubyrjol kóligimen ákelýge 2021 jylǵy 1 sáýirge deiingi merzimge tyiym salý kózdelgen.
