Qazaqstanda sala-sala boiynsha qoǵamdyq keńester qurylyp jatyr. Onyń ishinde saiasat, ekologiia taqyryby, áleýmettik-saiasi, qoǵamdyq máseleler de tys qalmady, - dep habarlaidy «Ult aqparat».
Mysaly Almatyda Ile-Alataý ulttyq parkiniń ekotýrizmin damytý jónindegi Qoǵamdyq keńestiń birinshi otyrysy boldy. Qoǵamdyq keńestiń quramyna 19 adam kirdi, olardyń arasynda týristik uiymdardyń ókilderi, ǵalymdar, sportshylar, biznesmender, ekoaktivister, qoǵam qairatkerleri bar. Otyrysty ekologiia, geologiia jáne tabiǵi resýrstar ministriniń orynbasary Erlan Nysanbaev ashty.
"Eki aptadan beri ekoaktivistermen jáne qoǵam belsendilerimen kezdese bastadym. Barlyǵyna osy keńes quramyna kirýdi usyndym. Búgin Qoǵamdyq keńeske 30 kandidattyń ishinen ártúrli salalardan 19 adam tańdaldy. Almaty qalasy ekologiia departamentiniń direktorynan basqa memlekettik organdardyń ókilderi shyǵaryldy", - dedi Erlan Nysanbaev.
Sondai-aq "Nur Otan" partiiasynyń janynan sybailas jemqorlyqqa qarsy is-qimyl jónindegi Qoǵamdyq keńes quryldy. Bul týraly QR Parlamenti májilisiniń depýtaty, Keńes Tóraǵasy Erlan Sairov málimdedi.
"Nur Otan" partiiasy parlamenttik sailaýdaǵy jeńisinen keiin óziniń sailaýaldy baǵdarlamasyn iske asyrý quraly retinde partiia janynan túrli keńester qurdy. Osy 14 keńestiń biri – sybailas jemqorlyqqa qarsy is-qimyl jónindegi Qoǵamdyq keńes. Bul keńestiń negizgi missiiasy – áleýmettik ádilettilik pen teńdik máselelerin sheshý. Bul jerde sybailas jemqorlyq úrdisteri paida bolady", - dedi Sairov.
Onyń aitýynsha, biliktiń qate áreketteri memlekettiliktiń negizine teris áser etedi.
Sairov Keńes jumysyndaǵy basty qaǵidat – sybailas jemqorlyq úrdisteriniń aldyn alý, Memlekettik organdar men ákimderdi tártipke shaqyrý ekenin atap ótti. Partiianyń basty maqsaty – áleýmettik-ekonomikalyq jaǵdaidy halyqaralyq standarttarǵa kóshirý.
Ádistemelik kómek kórsetý jáne "qoǵamdyq keńester týraly" Qazaqstan Respýblikasynyń Zańyna sáikes "estitin memleket" tujyrymdamasyn iske asyrý sheńberinde Qazaqstan Respýblikasy Qarjy monitoringi agenttiginiń janynda Qoǵamdyq keńes quryldy.
Qazaqstan Respýblikasynyń Qarjy monitoringi agenttigi kóleńkeli ekonomikaǵa qarsy is-qimyldyń tiimdiligin arttyrý úshin memleket basshysy Qasym-Jomart Toqaevtyń tapsyrmasy boiynsha quryldy.
Qoǵamdyq keńes jańa memlekettik organnyń qyzmetine qoǵamdyq baqylaýdy júzege asyrý maqsatynda quryldy.
2021 jyldyń 1 sáýirinde ótken Qoǵamdyq keńestiń otyrysynda onyń tóraǵasy Sálimbai Shúneev sailandy. Onyń salyq inspektsiiasy, prokýratýra, qarjy politsiiasy organdarynda, sondai-aq Qaýipsizdik Keńesi men Bas prokýratýrada basshylyq laýazymdarda jumys tájiribesi bar.
Aita keteiik, Qoǵamdyq keńester memleket pen azamattyq qoǵam arasyndaǵy dialog nysany retinde "100 naqty qadam" Ult josparyn iske asyrý aiasynda qurylǵan.
Esterińizge sala keteiik, Qazaqstanda sala-sala boiynsha qoǵamdyq keńester qurylyp jatyr. Onyń ishinde saiasat, ekologiia taqyryby, áleýmettik-saiasi, qoǵamdyq máseleler de tys qalmady.
Mysaly Almatyda Ile-Alataý ulttyq parkiniń ekotýrizmin damytý jónindegi Qoǵamdyq keńestiń birinshi otyrysy boldy. Qoǵamdyq keńestiń quramyna 19 adam kirdi, olardyń arasynda týristik uiymdardyń ókilderi, ǵalymdar, sportshylar, biznesmender, ekoaktivister, qoǵam qairatkerleri bar. Otyrysty ekologiia, geologiia jáne tabiǵi resýrstar ministriniń orynbasary Erlan Nysanbaev ashty.
Ministrdiń orynbasary eki aptadan beri ekoaktivistermen jáne qoǵam belsendilerimen kezdese bastaǵanyn, barlyǵyna osy keńes quramyna kirýdi usynǵanyn aitty. Sonymen qatar, búgin Qoǵamdyq keńeske 30 kandidattyń ishinen ártúrli salalardan 19 adam tańdaldy. Almaty qalasy ekologiia departamentiniń direktorynan basqa memlekettik organdardyń ókilderi shyǵaryldy.
