Jambyl oblysynyń «Otar» 40-áskeri bazasynda «ArMI-2019» halyqaralyq armiialyq oiyndary bastaldy, dep habarlaidy QazAqparat tilshisi.
Saiysta álemniń 13 memleketinen kelgen áskeriler baq synap jatyr.
Ashyq áskeri oiyndardyń ashylý saltanatynda QR Qorǵanys ministri Nurlan Ermekbaev, RF Qorǵanys ministriniń orynbasary Aleksandr Fomin qatysyp jatyr.
«RF Qarýly kúshteriniń bastamasymen bastalǵan halyqaralyq armiia oiyndary biyl 5 jyl qatarynan ótkizilip jatyr. 5 jylda saiystardyń mazmuny keńeiip, mańyzy arta bastady. 39 eldiń áskerileri qatysyp jatyr. 10 memleket territoriiasynda jarys ótip jatyr. Baiqaýlar sany 14-ten 32-ge artty. Bul oiyndardyń dárejesi burynǵydan da artyp, halyqaralyq jarystardyń deńgeiine jetedi degen oidamyz. Kóshpendi halyqtarda ulttyq oiyndardyń kóbi er azamattardyń áskeri qabiletin arttyrýǵa baǵyttalǵan.
QR Tuńǵysh Prezidenti Nursultan Nazarbaev «Uly dalanyń 7 qyry» maqalasynda tarihymyzdyń birinshi qyryn áskeri istegi úlken tóńkeristi atady. Bul oiyndar Qazaqstanda tórtinshi ret ótip jatyr. Bul biz úshin maqtanysh. Sebebi Qazaqstan túrli elderdiń áskeri tehnikalyq bailanysynyń artýyna úles qosyp jatyrmyz», - dedi QR Qorǵanys ministri Nurlan Ermekbaev.
«Otar» áskeri bazasynyń territoriiasynda 7-15 tamyz aralyǵynda Ázerbaijan, Armeniia, Belarýs, Venesýela, Zimbabve, Mysyr, Iran, Qyrǵyzstan, Resei, Siriia, Tájikstan, Ózbekstan, Qytai elderinen áskeriler drondy ushyrý, artilleriialyq qarýdan oq atýdan baq synaidy.
Artilleriialyq qarýdan oq atýǵa 12 eldiń áskerileri qatyssa, pilotsyz ushaq ushyrýdan 4 el baq synaidy. Bailanysshylar saiysynda bailanysshy áskeriler basqarý dabyldaryn qabyldaý, qabyldaý stansasyn ashý, bailanys torabyn aýystyrý mashyǵyn kórsetedi.
Qazaqstan Qarýly kúshteriniń ókilderi 3 baiqaýǵa da qatysyp qana qoimai, shetelderde ótip jatqan 13 baiqaýǵa da qatysyp jatyr.
Barlyǵy 32 sport túri bolsa, qazaqstandyqtar 16 sport boiynsha qatysady.
Aita keterligi, ArMI-2019 halyqaralyq áskeri oiyndary 3 tamyzda RF territoriiasynda «Patriot» kórme kesheninde bastaldy.
