Sýret: ashyq derekkóz
Qazaqstandaǵy árbir tórtinshi lift qaýipti. Ulttyq liftter qaýymdastyǵynyń málimetinshe, kóp lift jóndeýdi nemese tolyq aýystyrýdy qajet etedi. Liftiniń qyzmet etý merzimi – 25 jyl, al kópshiliginiń turǵanyna 25 jyldan asyp ketti, dep habarlaidy "Ult aqparat" 31-arnanyń "Informbiýro" baǵdarlamasyna silteme jasap.
Aqtóbedegi toǵyz qabatty úidiń turǵyndary ekinshi jyl liftsiz turyp jatyr. 43 jyl jumys istegen lift isten shyqty. Sondyqtan qaýipsizdik maqsatynda ol óshirildi. Endi erekshe qajettigi barlar men zeinetkerler aptasyna bir ret, tipti odan da sirek kóshege shyǵady.
"Árine, qiyn. 6-qabatta eki baldaqqa súienip júretin áiel turady. Ony úidiń janyna ákelip tastaǵan, ol aiaqkiimin sheship, úige jorǵalap barǵan. 6-qabatqa jetkende qulap qalǵan. Jaqyndary kelip, ony kótergenshe ol bir saǵat jerde jatty", – dedi Aqtóbe turǵyny Valentina Kashleva.
Aqtóbede eskirgen 338 lift bar. 6 jyl buryn 27 jastaǵy jýrnalist liftide mert boldy. Osydan keiin elimizde liftterge qyzmet kórsetýmen ainalysatyn uiymdarǵa qoiylatyn talaptar kúsheitildi. Olardyń ónerkásiptik qaýipsizdik sertifikaty bolýy kerek jáne ulttyq standartqa sai kelýi qajet. Olardyń jumysyn baqylaý jergilikti atqarýshy organdarǵa júkteldi.
"2 jyl buryn modernizatsiiaǵa ótinim berildi. Qujattar jinaldy. Protokol, qujattary barlyǵy daiyn. Endi respýblikalyq qarjylandyrýdy kútip otyrmyz deidi. Adamdar qinalyp jatyr, jedel járdemge de qiyn, olar ájeni 8-qabattan áreń túsirgen edi", – dedi úi tóraǵasy Moldybai Moldagereev.
Qurylys jáne turǵyn úi-kommýnaldyq sharýashylyq isteri komitetine bir ǵana Aqtóbeden qarjylandyrýǵa 118 ótinish túsken. Liftterdi jańartýǵa 1 milliard 118 million teńge qajet. Turǵyndar biyl qarjylandyrýǵa úmittengenimen, qolaisyz jaǵdai boldy.
"Belarýste jasalǵan liftter. Ótken jyly olardyń quny 9,1 million teńge boldy. Bir lift úshin 12 millionǵa deiin. Qaladaǵy kóptegen liftterdiń jaramdylyq merzimi ótip ketken. Bul úilerde jinalystar ótip, turǵyndardyń hattamalary men kelisimderi negizinde qujattaryn daiyndap jatyrmyz", – dep málimdedi turǵyn úi inspektsiiasy bóliminiń sektory basshysy Nurjan Naǵynymbetov.
Qazaqstan boiynsha 6700 liftini jańǵyrtýǵa qaýymdastyqtyń esebi boiynsha shamamen 80 milliard teńge qajet. Elimizde barlyǵy 30 myńǵa jýyq turǵyn úi liftteri bar. Al kommertsiialyq jáne memlekettik mekemelerde – 15 myń.
