Foto: QR SjIM
Pákistanda ótip jatqan «Elektrondy kommertsiia arqyly logistika men bizneske qol jetkizý» atty halyqaralyq sammit aiasynda Qazaqstan Respýblikasy Saýda jáne integratsiia ministrliginiń Elektrondyq jáne birjalyq saýda departamentiniń direktory Ǵaliia-Baný Meirbaeva tsifrlyq saýdanyń qazirgi ahýaly men bolashaǵy týraly baiandama jasady, dep habarlaidy Ult.kz.
Ol óz sózinde elektrondyq kommertsiiany damytýdyń ekonomikany jańǵyrtýǵa, eksportty arttyrýǵa jáne óńirlik integratsiiany nyǵaitýǵa áser etetin strategiialyq mańyzyna toqtaldy. Jasandy intellekt pen virtýaldy kómekshilerdi qosa alǵanda, jańa tsifrlyq sheshimder klientterge kórsetiletin qyzmet sapasyn arttyryp, syrtqy saýda operatsiialaryn ońtailandyrýǵa múmkindik beretini aityldy.
Sarapshynyń málimetinshe, sońǵy bes jylda Qazaqstanda e-commerce sektory jeti esege ósip, 3,2 trillion teńgege jetken. Bul – bólshek saýda kóleminiń 14,1%-y. Aldaǵy bes jyl ishinde bul kórsetkishti 20%-ǵa jetkizý jospary bar. Iaǵni, árbir besinshi satyp alý onlain júzege asyrylady dep kútilýde.
Osy maqsatta 2024 jyldyń naýryzynda elektrondyq saýdany damytýǵa arnalǵan keshendi jospar qabyldanǵan. Onda zańnamany jetildirý, halyqty oqytý, kásipkerlerge qarjylai qoldaý kórsetý jáne logistikalyq infraqurylymdy damytý syndy baǵyttar qamtylǵan.
Ǵaliia-Baný Meirbaeva tutynýshylardyń quqyqtaryn qorǵaý jáne naryq qatysýshylary úshin teń múmkindikter jasaý máselelerine erekshe nazar aýdarylatynyn atap ótti. Ol sondai-aq Qazaqstannyń DSU, BUU, ShYU, EAEO sekildi halyqaralyq uiymdar aiasyndaǵy transshekaralyq saýdany jeńildetý men tsifrlyq ortany qalyptastyrý baǵytyndaǵy belsendi jumysyn tilge tiek etti.
Sammit barysynda Qazaqstan men Pákistannyń Saýda ministrlikteri arasynda 2025 jyldyń sáýir aiynda qol qoiylǵan elektrondy saýda salasyndaǵy ózara túsinistik pen yntymaqtastyq týraly memorandým da atap ótildi. Bul qujat eki el arasyndaǵy strategiialyq áriptestikti tereńdetýge baǵyttalǵan mańyzdy qadam retinde baǵalandy.
Qazaqstan delegatsiiasy halyqaralyq yntymaqtastyqty arttyrý arqyly aimaqtaǵy saýda júiesin inkliýzivti, ózara bailanysty ári ornyqty etýge yqpal etetinine senim bildirip, tehnologiialyq ilgerileý men ashyqtyqqa degen ustanymyn taǵy da rastady.
