فوتو: قر سجيم
پەكٸستاندا ٶتٸپ جاتقان «ەلەكتروندى كوممەرتسييا ارقىلى لوگيستيكا مەن بيزنەسكە قول جەتكٸزۋ» اتتى حالىقارالىق سامميت اياسىندا قازاقستان رەسپۋبليكاسى ساۋدا جەنە ينتەگراتسييا مينيسترلٸگٸنٸڭ ەلەكتروندىق جەنە بيرجالىق ساۋدا دەپارتامەنتٸنٸڭ ديرەكتورى عالييا-بانۋ مەيرباەۆا تسيفرلىق ساۋدانىڭ قازٸرگٸ احۋالى مەن بولاشاعى تۋرالى بايانداما جاسادى, دەپ حابارلايدى Ult.kz.
ول ٶز سٶزٸندە ەلەكتروندىق كوممەرتسييانى دامىتۋدىڭ ەكونوميكانى جاڭعىرتۋعا, ەكسپورتتى ارتتىرۋعا جەنە ٶڭٸرلٸك ينتەگراتسييانى نىعايتۋعا ەسەر ەتەتٸن ستراتەگييالىق ماڭىزىنا توقتالدى. جاساندى ينتەللەكت پەن ۆيرتۋالدى كٶمەكشٸلەردٸ قوسا العاندا, جاڭا تسيفرلىق شەشٸمدەر كليەنتتەرگە كٶرسەتٸلەتٸن قىزمەت ساپاسىن ارتتىرىپ, سىرتقى ساۋدا وپەراتسييالارىن وڭتايلاندىرۋعا مٷمكٸندٸك بەرەتٸنٸ ايتىلدى.
ساراپشىنىڭ مەلٸمەتٸنشە, سوڭعى بەس جىلدا قازاقستاندا e-commerce سەكتورى جەتٸ ەسەگە ٶسٸپ, 3,2 تريلليون تەڭگەگە جەتكەن. بۇل – بٶلشەك ساۋدا كٶلەمٸنٸڭ 14,1%-ى. الداعى بەس جىل ٸشٸندە بۇل كٶرسەتكٸشتٸ 20%-عا جەتكٸزۋ جوسپارى بار. ياعني, ەربٸر بەسٸنشٸ ساتىپ الۋ ونلاين جٷزەگە اسىرىلادى دەپ كٷتٸلۋدە.
وسى ماقساتتا 2024 جىلدىڭ ناۋرىزىندا ەلەكتروندىق ساۋدانى دامىتۋعا ارنالعان كەشەندٸ جوسپار قابىلدانعان. وندا زاڭنامانى جەتٸلدٸرۋ, حالىقتى وقىتۋ, كەسٸپكەرلەرگە قارجىلاي قولداۋ كٶرسەتۋ جەنە لوگيستيكالىق ينفراقۇرىلىمدى دامىتۋ سىندى باعىتتار قامتىلعان.
عالييا-بانۋ مەيرباەۆا تۇتىنۋشىلاردىڭ قۇقىقتارىن قورعاۋ جەنە نارىق قاتىسۋشىلارى ٷشٸن تەڭ مٷمكٸندٸكتەر جاساۋ مەسەلەلەرٸنە ەرەكشە نازار اۋدارىلاتىنىن اتاپ ٶتتٸ. ول سونداي-اق قازاقستاننىڭ دسۇ, بۇۇ, شىۇ, ەاەو سەكٸلدٸ حالىقارالىق ۇيىمدار اياسىنداعى ترانسشەكارالىق ساۋدانى جەڭٸلدەتۋ مەن تسيفرلىق ورتانى قالىپتاستىرۋ باعىتىنداعى بەلسەندٸ جۇمىسىن تٸلگە تيەك ەتتٸ.
سامميت بارىسىندا قازاقستان مەن پەكٸستاننىڭ ساۋدا مينيسترلٸكتەرٸ اراسىندا 2025 جىلدىڭ سەۋٸر ايىندا قول قويىلعان ەلەكتروندى ساۋدا سالاسىنداعى ٶزارا تٷسٸنٸستٸك پەن ىنتىماقتاستىق تۋرالى مەموراندۋم دا اتاپ ٶتٸلدٸ. بۇل قۇجات ەكٸ ەل اراسىنداعى ستراتەگييالىق ەرٸپتەستٸكتٸ تەرەڭدەتۋگە باعىتتالعان ماڭىزدى قادام رەتٸندە باعالاندى.
قازاقستان دەلەگاتسيياسى حالىقارالىق ىنتىماقتاستىقتى ارتتىرۋ ارقىلى ايماقتاعى ساۋدا جٷيەسٸن ينكليۋزيۆتٸ, ٶزارا بايلانىستى ەرٸ ورنىقتى ەتۋگە ىقپال ەتەتٸنٸنە سەنٸم بٸلدٸرٸپ, تەحنولوگييالىق ٸلگەرٸلەۋ مەن اشىقتىققا دەگەن ۇستانىمىن تاعى دا راستادى.
